କଟକ, (ସନ୍ଧାନ ନିଉଜ) : କଟକ ଖ୍ରୀଷ୍ଟ କଲେଜ ଛାତ୍ର ତୁଷାରକାନ୍ତ ସାହୁଙ୍କ ମୃତ୍ୟୁ ରହସ୍ୟ ଉପରୁ ପରଦା ଉଠାଇଲା ଜଗତପୁର ପୋଲିସ୍ । ଗତ ସେପ୍ଟେମ୍ବର ୩ ତାରିଖରେ ତୁଷାର ଘରୁ ନିଖୋଜ ହୋଇଯାଇଥିବା ବେଳେ ୫ ତାରିଖରେ ଯୋବ୍ରା ବ୍ୟାରେଜ୍ ନିକଟରୁ ତାଙ୍କ ମୃତ ଦେହ ଉଦ୍ଧାର କରାଯାଇଥିଲା ।
ତେବେ ଏହାକୁ ଆତ୍ମହତ୍ୟାର ରୂପ ଦେବାକୁ ଚେଷ୍ଟା କରାଯାଇଥିବା ବେଳେ ପରିବାର ଲୋକ ହତ୍ୟା ଅଭିଯୋଗ ଆଣିଥିଲେ । ଏହି ମାମଲାରେ ଜଗତପୁର ପୋଲିସ୍ ତଦନ୍ତ ଆରମ୍ଭ କରି ମାମଲାର ଖୋଳତାଡ ଆରମ୍ଭ କରିଥିଲା ।
ଏହି ଘଟଣାରେ ଏବେ ଦୁଇ ଅଭିଯୁକ୍ତଙ୍କୁ ଗିରଫ କରିଛି କଟକ ଜଗତପୁର ପୋଲିସ୍ । ସେମାନେ ହେଲେ ଦିବ୍ୟରଞ୍ଜନ ବେହେରା ଓ କୌଶଲ ପ୍ରଧାନ ଯେଉଁମାନେ କି ତୁଷାରକାନ୍ତଙ୍କୁ ଶାରୀରିକ ଓ ମାନସିକ ନିର୍ଯ୍ୟାତନା ଦେଉଥିବାର ପୋଲିସ୍ ପ୍ରମାଣ ପାଇଛି । ତୁଷାରକାନ୍ତଙ୍କୁ ଆତ୍ମହତ୍ୟା କରିବା ପାଇଁ ଏଇ ମାନେ ହିଁ ପ୍ରବର୍ତ୍ତାଇବା ପୋଲିସ୍ ହାତରେ ସୁରାକ୍ ଲାଗିବା ପରେ ଏମାନଙ୍କୁ ଗିରଫ କରାଯାଇଛି ।
ତେବେ ଏ ପୁରା ଘଟଣା ପଛରେ ତୁଷାରଙ୍କ ଗାର୍ଲଫ୍ରେଣ୍ଡର ହାତ ରହିଥିବା ସନ୍ଦେହ କରାଯାଉଛି । ଯାହାକୁ ନେଇ ପୋଲିସ୍ ଗାର୍ଲଫ୍ରେଣ୍ଡ ଓ ତାଙ୍କ ବଡ଼ ଭଉଣୀ ଓ ବଡ଼ ଭଉଣୀଙ୍କ ବୟଫ୍ରେଣ୍ଡଙ୍କୁ ମଧ୍ୟ ତଦନ୍ତ ପରିସରଭୁକ୍ତ କରିବ ବୋଲି ଜଣାପଡିଛି ।
