ଖେଳ ହେଲା କାଳ: ଟ୍ରାକ୍ଟର ଓଲଟି ବାଳକର ମୃତ୍ୟୁ

ଭଦ୍ରକ, ୧୫/୦୯ ସନ୍ଧାନ ନିଉଜ୍) ବାସୁଦେବପୁର ଥାନା ବାଲିଛାନ୍ଦ ଘାଟ ଜଗନ୍ନାଥପୁର ରାସ୍ତାର କଣ୍ଟିଆ ନାଳୀ ଠାରେ ମଙ୍ଗଳବାର   ମଧ୍ୟାନ ସମୟରେ   ଏକ ଟ୍ରାକ୍ଟର ଓଲଟି ପଡିବାରୁ ୧୨ ବର୍ଷର ବାଳକର ମୃତ୍ୟୁ ଘଟିଛି। ମୃତକ ଜଣକ ହେଲେ ଅରୁଣ ମଳିକଙ୍କ ପୁଅ ପ୍ରହଲ୍ଲାଦ ମଳିକ ବୋଲି ଜଣାପଡିଛି । ଘଟଣାରୁ ପ୍ରକାଶ ପଡୋଶୀ ଘର ଟ୍ରାକ୍ଟରରେ ଛଅ ଜଣ ପିଲା ବସି ବୁଲା ବୁଲି କରୁଥିବା ବେଳେ ଟ୍ରାକ୍ଟରଟି କଣ୍ଟିଆ ନାଳୀ ନିକଟରେ ଭାରସାମ୍ୟ ହରାଇ ରାସ୍ତା ତଳକୁ ଓଲଟି ପଡିଥିଲା। ଯାହା ଫଳରେ ଚାଳକ ସମେତ ୫ ଟି ପିଲା ଉଦ୍ଧାର ପାଇଥିଲା ବେଳେ ପ୍ରହଲ୍ଲାଦର ମୃତ୍ୟୁ ହୋଇଥିଲା। ଖବରପାଇ ପୁଲିସ ଘଟଣା ସ୍ଥଳରେ ପହଂଚି ମୃତ ଦେହକୁ ଜବଦକରି ବ୍ୟବଛେଦ ନିମନ୍ତେ ପଠାଇ ଟ୍ରାକ୍ଟର ଟିକୁ ଜବଦ କରିଛି। ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଦୁଃଖର ଛାୟା ଖେଳି ଯାଇଛି। Report-Prasanta Samal