ବୈପାରିଗୁଡା,୨୯ /୨(ସନ୍ଧାନ ନିଉଜ) : ବୈପାରିଗୁଡା ଲମତାପୁଟ ରାସ୍ତାର ତିନି ବାଙ୍କ ଠାରେ ଏକ କାଠ ବୋଝେଇ ଟ୍ରକ ଓଲଟି ପଡିବାରୁ ଜଣେ ମୃତ ହୋଇଥିବାର ଜଣାପଡିଛି । ବୈପାରିଗୁଡା ଥାନା ଅନ୍ତର୍ଗତ କୋଟା ଛକ ପାଖରେ ରହିଥିବା ପେଟା ଘାଟି ରାସ୍ତାରେ ଏହି ଦୁର୍ଘଟଣା ଘଟିଥିବାର ସୂଚନା ମିଳିଛି । ଲମତାପୁଟ ପଟରୁ OR 04 J 5225 ନମ୍ବର ଏକ ଟ୍ରକ ଜୟପୁର କିମ୍ବା ବୈପାରିଗୁଡା ଅଭିମୁଖେ ଆସୁଥିବା ସମୟରେ ଭାରସାମ୍ୟ ହରାଇ ରାସ୍ତା ତଳକୁ ଖସି ପଡିଥିବାର ଜଣାପଡିଛି । ରାତ୍ରି ୯ ଟା ସମୟରେ ଏହି ଦୁର୍ଘଟଣା ଘଟିଥିବା ବେଳେ ବୈପାରିଗୁଡା ପୋଲିସ ଘଟଣା ସ୍ଥଳକୁ ଯାଇ ତଦନ୍ତ କରୁଥିବାର ଜଣାପଡିଛି । ତେବେ ମୃତ ହୋଇଥିବା ବ୍ୟକ୍ତିଙ୍କ ପରିଚୟ ଏ ପର୍ଯ୍ୟନ୍ତ ଜଣାପଡିନଥିବା ବେଳେ ଗୁରୁତର ବ୍ୟକ୍ତିଙ୍କୁ ପୋଲିସ ପକ୍ଷରୁ ବୈପାରିଗୁଡା ସ୍ବାସ୍ଥ୍ୟ କେନ୍ଦ୍ରକୁ ଚିକିତ୍ସିତ କରିବା ପାଇଁ ପଠାଇଥିବାର ସୂଚନା ମିଳିଛି ।
ରିପୋର୍ଟ – ସରୋଜ କୁମାର ଲେଙ୍କା , ବୈପାରିଗୁଡା
