କଣ୍ଟେନର ବାଇକ୍ ମଧ୍ୟରେ ଧକ୍କା: ୨ ଯୁବକଙ୍କ ମୃତ୍ୟୁ

ସମ୍ବଲପୁର,ସନ୍ଧାନ ନ୍ୟୁଜ: ସମ୍ବଲପୁର ଦେବଗଡ ଜାତୀୟ ରାଜପଥ ସଦର ଥାନା ଅନ୍ତର୍ଗତ କେନଘାଟି ନିକଟରେ କଣ୍ଟେନର ବାଇକ ମଧ୍ୟରେ ଧକ୍କା ହୋଇ ଘଟଣା ସ୍ଥଳରେ ୨ ଜଣଙ୍କ ମୃତ୍ୟୁ ହୋଇଛି। ସଦର ଥାନା ସୂତ୍ରରୁ ମିଳିଥିବା ଖବର ଅନୁଯାୟୀ ଆଜି ଦିନ ୧୦ ଟାରେ ଦେବଗଡ ପଟକୁ ଯାଉଥିବା ଏକ କଣ୍ଟେନର ଗାଡି ଏଚଆର୍ ୩୮ ଏଡି ୪୯୧୭ କେନଘାଟିରୁ ଭୋଇପାଲି ଯାଉଥିବା ଏକ ହୀରୋହୋଣ୍ଡା ସାଇନ ଏମ୍/ସି ଓଆର୍ ୦୪ ପି ୪୬୩୩ ସହିତ ପିଟି ହେବା ଫଳରେ ଘଟଣା ସ୍ଥଳରେ ୨ ଜଣଙ୍କ ମୃତ୍ୟୁ ହୋଇଥିବା ସଦର ଭାରପ୍ରାପ୍ତ ଥାନା ଅଧିକାରୀ ସୁବ୍ରତ ପାଣିଗ୍ରାହୀ ସୂଚନା ଦେଇଛନ୍ତି।ମୃତକ ୨ ଜଣ ହେଉଛନ୍ତି ଭୋଇପାଲି ଗ୍ରାମର ଜୟନାରାୟଣ ବାଗ ଓରଫ ମଞ୍ଚୁ (୨୭) ଓ ବିଜ୍ଞାନ ମରାଇ (୩୨)।ଖବର ପାଇ ସଦର ପୋଲିସ ଦୁର୍ଘଟନା ଗ୍ରସ୍ତ ଗାଡିକୁ ଜବତ କରିବା ସହିତ କଣ୍ଟେନର ଡ୍ରାଇଭରକୁ ଅଟକ ରଖି ତଦନ୍ତ ଆରମ୍ଭ କରିବା ସହିତ ୨ ମୃତ ଯୁବକଙ୍କ ଶବ ବ୍ୟବଛେଦ ପାଇଁ ବୁର୍ଲା ପଠାଇଥିଲେ । ଏହି ଘଟଣାକୁ ନେଇ ଭୋଇପାଲି ଗ୍ରାମରେ ଶୋକର ଛାୟା ଖେଳି ଯାଇଛି।