ପୁରୀ, ୧୭/୨/୨୦ (ସନ୍ଧାନ ନିଉଜ) : କଂଗ୍ରେସ ଦଳରେ ଫାଟ । କଂଗ୍ରେସର ଦୁଇ ଗୋଷ୍ଠୀ ମଧ୍ୟରେ ହଣାକଟା ହେବା ସହ ଲହୁଲୁହାଣ ପରିସ୍ଥିତି ଉପୁଜିଛି । ଏହି ଘଟଣା ଘଟିଛି ପୁରୀ କଂଗ୍ରେସ ମଧ୍ୟରେ । ଆଉ ଏହି ଘଟଣା କଂଗ୍ରେସ କନ୍ଦଳକୁ ପଦାରେ ପକାଇଛି । ପୁରୀ କଂଗ୍ରେସର ଦୁଇ ଗୋଷ୍ଠୀ ମୁହାଁମୁହିଁ ହୋଇଛନ୍ତି । ଛାତ୍ର କଂଗ୍ରେସକୁ ଆକ୍ରମଣ କରିଛି କଂଗ୍ରେସର ଅନ୍ୟ ଏକ ଗୋଷ୍ଠି । ଏହି ଆକ୍ରମଣରେ ଛାତ୍ର କଂଗ୍ରେସର ଜିଲ୍ଲା ସଭାପତିଙ୍କ ସମେତ ଅନ୍ୟ ଦୁଇ ଜଣ ଗୁରୁତର ଆହତ ହୋଇଛନ୍ତି । ଛାତ୍ର କଂଗ୍ରେସର ସଭାପତିଙ୍କୁ ମରଣାତ୍ମ ଆକ୍ରମଣ କରିଛି ଦଳର ଅନ୍ୟ ଏକ ଗୋଷ୍ଠୀ ।
ତେବେ ଘଟଣାରେ ଆହତ ହୋଇଥିବା ଛାତ୍ର ନେତାଙ୍କ କହିବାନୁଯାୟୀ ଜିଲ୍ଲା ଛାତ୍ର କଂଗ୍ରେସ ସଭାପତିଙ୍କ ଉପରେ ମରଣାତ୍ମ ଆକ୍ରମଣ କରି ତାଙ୍କୁ ଲହୁଲୁହାଣ କରିବା ପରେ ତଳେ ପକାଇ ଲୁହା ରଡ ଏବଂ ଇଟାରେ ଅତି ଦୟନୀଭାବେ ଛେଚିଥିଲେ କଂଗ୍ରେସ କର୍ମି । କଂଗ୍ରେସ ଛାତ୍ର ସଭାପତିଙ୍କୁ ଆକ୍ରୋଶ ମୂଳକଭାବେ ଆକ୍ରମଣ କରିଛନ୍ତି କଂଗ୍ରେସର ଅନ୍ୟ ଏକ ଗୋଷ୍ଠୀ ବୋଲି କହିଛନ୍ତି ଏହି ଆକ୍ରମଣରେ ଆହତ ହୋଇଥିବା ଛାତ୍ର ।
