ଋଣ ଭାର ସହିନପାରି ଚାଷୀଙ୍କ ଆତ୍ମହତ୍ୟା ଉଦ୍ୟମ

ଚାଷ କାମ ଯାହାର କେଡେ ଆନନ୍ଦ ତାହାର, ଏହି ଲେଖାଟି କେବଳ ପାଠ ପଢା ବହିରେ ରହିଗଲା, ଅନ୍ୟ ପକ୍ଷରେ କହିବାକୁ ଗଲେ ସେ କଣ ପାଠ ପଢିଛି ଯେ ଏତେ କଥା ଜାଣିବ, ସେ କେବଳ ଏତିକି ବୁଝିଥିଲା ପାଞ୍ଚ ପରାଣୀଙ୍କ ପେଟରେ ଡହ ଡହ ହୋଇ ଫୁଟୁଥିବା ତତଲା ଭୋକ, କଷାଘାତରେ କଷୁ ଥିବା ଦାରୁଣ ଦଃଖ ।ସେଥିପାଇଁ ତ ସେ ଗାଁ ମହାଜନ ଏବଂ ବ୍ୟାଙ୍କରୁ କିଛି ୠଣ ଆଣିଥିଲା ।ଭାବିଥିଲା ଫସଲ ଅମଳ ରୁ ଯାହା ବାହାରିବ ପରିବାର ମୁହଁରେ ଦେଇ କିଛି ପରିଶୋଧ କରିଦେବ ।।ଠିକ୍ ସେହି ସମୟରେ ଆଶାର ବୈତରଣୀ ଉଭେଇ ଗଲା,ବିଲ ଫାଟି ଆଁ କଲା ମରୁଡିର କଳା ବାଦଲ ମାଡି ଆସିଲା ।।ଏତେ ସବୁ ଘଟଣା ପରେ ୠଣ ଭାର ସୁଝିବା ଭୟରେ ବାଧ୍ୟ ହୋଇ ଧୀରେନ୍ଦ୍ର ବିଷ ପିଇଦେଲେ ।।ଦୀର୍ଘ ବାର ଦିନ ହେବ ଧୀରେନ୍ଦ୍ର ମେଡିକାଲରେ ଜୀବନ ମରଣ ସହ ସଂଘର୍ଷ କରୁଛନ୍ତି ।।ଏହି ଘଟଣାଟି ଘଟିଛି ଯାଜପୁର ଜିଲ୍ଲାର ବଡଚଣା ବ୍ଲକ କୁନ୍ଦଳ ପଞ୍ଚାୟତର କୂଳହରିପୁର ଗ୍ରାମର ଧୀରେନ୍ଦ୍ର ନାଥ ସାହୁଙ୍କ କ୍ଷେତ୍ରରେ ।। ବଡ ବିଡମ୍ବନାର କଥା ଏତେ ଦିନ ବିତିଯାଇଥିଲେ ମଧ୍ୟ ଏ ପର୍ଯ୍ୟନ୍ତ ମିଳିପାରିଲା ନାହିଁ ସରକାରୀ ସାହାଯ୍ୟ ବା କୃଷି ୠଣ ଛାଡ ।।ଆମ ଖବର ପ୍ରସାରଣ ପରେ ସ୍ଥାନୀୟ ପ୍ରଶାସନ କି ପଦକ୍ଷେପ ନେଉଛି ତାହା ଦେଖିବାକୁ ବାକି ରହିଲା