ଉତ୍କଳ ଗୌରବ ସେବା ସଂସଦର ଉଦ୍ଘାଟନ ଉତ୍ସବ ଅନୁଷ୍ଟିତ

ଯାଜପୁର ସଦର, ୧୦ା୦୩: ଯାଜପୁର ଜିଲ୍ଲା ରସୁଲପୁର ବ୍ଲକ ଅନ୍ତର୍ଗତ ବ୍ରହ୍ମବରଦା ପଂଚାୟତର ଡିହସାହି ଉତ୍କଳ ଗୌରବ ସେବା ସଂସଦ କ୍ଲବର ଉଦ୍ଘଟାନ ଉତ୍ସବ ଅବସରରେ ମୁଖ୍ୟ ଅତିଥି ବରୀ ନିର୍ବାଚନ ମଣ୍ଡଳୀର ସୁନାମଧନ୍ୟ ବିଧାୟୀକା ସୁନନ୍ଦା ଦାସ ଯୋଗଦେଇ ଏହାକୁ ଉଦ୍ଘାଟନ କରିଥିଲେ । ସମ୍ମାନୀୟ ଅତିଥି ଯାଜପୁର ଲୋକ ସଭା ସାଂସଦ ଶ୍ରୀମତୀ ଶର୍ମିଷ୍ଠା ସେଠୀ ଯୋଗଦେଇଥିବା ବେଳେ, ବ୍ରହ୍ମବରଦା ପଂଚାୟତ ସରପଂଚ ମମତା ଶୁଭଦର୍ଶିନୀ ଦେଓ, ବ୍ରହ୍ମବଦାର ସମିତି ସଭ୍ୟା ରକସାନା ପରୱିନ, ୩୬ନଂ ଜିଲ୍ଲା ପରିଷଦ ସଭ୍ୟା ଭାରତୀ ବିଶ୍ୱାଳ, ବ୍ରହ୍ମବରଦା ପଂଚାୟତର ବରିଷ୍ଠ ନାଗରିକ, ବୁଦ୍ଧିଜିବୀ, ସାହିତ୍ୟିକ, ସାମ୍ବାଦିକ ମାନେ ଯୋଗଦେଇଥିବା ବେଳେ, ଉତ୍କଳ ଗୌରବ ସେବା ସଂସଦ କ୍ଲବର ସଦସ୍ୟ ସଂମ୍ପାଦକ ଯୋଗଦାନ କରିଥିଲେ । ଏହି ଅବସରରେ ବ୍ରହ୍ମବରଦା ପ୍ରେସକ୍ଲବର ସଭାପତି ବାପୁଜୀ ଚରଣ ଜେନା, ସଂମ୍ପାଦକ ଯଜାତୀ କେଶରୀ ବେହେରା, ବ୍ରହ୍ମବରଦା ପ୍ରେସକ୍ଲବର ସଦସ୍ୟ ମାନେ ଯୋଗଦାନ କରିଥିଲେ । କୃତିତ୍ୱ ଅର୍ଜନ କରିଥିବା ଅତିଥି ମାନଙ୍କୁ ଉତ୍ତରୀୟ ପୁଷ୍ପଗୁଚ୍ଛ ଦିଆଯାଇ ସମ୍ବର୍ଦ୍ଧିତ କରାଯଅଇଥିଲା । ଏହି ଅବସରରେ ଉତ୍କଳ ଗୌରବ ସେବା ସଂସଦ ଆନୁକୁଲ୍ୟରେ ଉଦ୍ଘାଟାନି ଉତ୍ସବରେ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଟିତ ହୋଇଥିଲା ।