ଆର. ଏଚ. କଲୋନୀରେ ଅଖଣ୍ଡ ନାମଯଜ୍ଞର ଶୁଭାରମ୍ଭ

ରାଉରକେଲା, ୩୧/୧/୨୦ (ସନ୍ଧାନ ନିଉଜ) : ଦକ୍ଷିଣ ରାଉରକେଲା ସାରନଗରୀ ଆର.ଏଚ. କଲୋନୀ ନିକଟ  ମା’ ବାସନ୍ତୀ ଦୁର୍ଗା ପୂଜା ମଣ୍ଡପ ପ୍ରାଙ୍ଗଣରେ ଆଜି ଠାରୁ ଷଷ୍ଠତମ ବାର୍ଷିକ ଅଷ୍ଟମ ପ୍ରହର ଅଖଣ୍ଡ ନାମଯଜ୍ଞର ଶୁଭାରମ୍ଭ ହୋଇଛି । ଏହି ଅବସରରେ ଅପରାହ୍ନରେ କଳସ ଯାତ୍ରା ଓ ସଂଧ୍ୟାରେ ଅଧିବାସର ଆୟୋଜନ କରାଯାଇଥିଲା । ଏଥିରେ ଶ୍ରଦ୍ଧାଳୁ ଓ ଅଷ୍ଟପ୍ରହରୀ କର୍ମକର୍ତା ବୃନ୍ଦ ଯୋଗ ଦେଇଥିଲେ । ଆସନ୍ତାକାଲି ଶନିବାର ନାମଯଜ୍ଞର ଆୟୋଜନ କରାଯିବା ସହ ରବିବାର ନଗର କିର୍ତନ ଓ ଦଧିହାଣ୍ଡି ଭଂଜନ ହେବା ସହ ସଂଧ୍ୟାରେ ଭାଗବତ ପାଠର ଆୟୋଜନ କରାଯାଇଛି । ଶ୍ରଦ୍ଧାଳୁ ଏଭଳି ଆଧ୍ୟାତ୍ମିକ କାର୍ଯ୍ୟକ୍ରମରେ ବହୁ ସଂଖ୍ୟାରେ ଯୋଗ ଦେବାକୁ ନିବେଦନ କରାଯାଇଛି ।