ଆମେରିକାରେ କୋରୋନା ମୃତକଙ୍କ ସଂଖ୍ୟା ୬୧, ୬୬୮

ଭୁବନେଶ୍ୱର, ୩୦/୦୪ (ସନ୍ଧାନ ନିଉଜ ବ୍ୟୁରୋ) ସାରା ବିଶ୍ଵରେ ତାଣ୍ଡବ ରଚିଥିବା ମହାମାରୀ କୋରୋନା ଭୂତାଣୁ ଆମେରିକାରେ କାୟା ମେଲାଇଛି। ଆମେରିକାରେ କୋରୋନା ଆକ୍ରାନ୍ତଙ୍କ ସଂଖ୍ୟା ଦ୍ରୁତ ଗତିରେ ବଢ଼ିବାରେ ଲାଗିଛି ।  ଆମେରିକାରେ ମୃତକଙ୍କ ସଂଖ୍ୟା ୬୦ ହଜାର ଅତିକ୍ରମ କରିଛି।  ଏବେ କୋରୋନା ମୃତକଙ୍କ ସଂଖ୍ୟା ୬୧, ୬୬୮ ଛୁଇଁଛି। ଏ ନେଇ ଜନ ହୋପିକନ ବିଶ୍ୱବିଦ୍ୟାଳୟ ପକ୍ଷରୁ ସୂଚନା ମିଳିଛି। ସୂଚନାନୁଯାୟୀ, ଆମେରିକାରେ ମୋଟ୍ ଆକ୍ରାନ୍ତଙ୍କ ସଂଖ୍ୟା ୧,୦୬୪, ୩୯୬ ଛୁଇଁଛି। ସେମାନଙ୍କ ମଧ୍ୟରୁ ୧୪୭,୪୧୧ ହସ୍ପିଟାଲରୁ ସୁସ୍ଥ ହୋଇ ଡିସଚାର୍ଜ ହୋଇଛନ୍ତି। ଏବେ ୮୫୫,୩୧୭ ଜଣ ଚିକିତ୍ସାଧୀନ ଥିବା ଜଣାପଡ଼ିଛି। କୋରୋନାରେ ସବୁଠୁ ଅଧିକ ପ୍ରଭାବିତ ରାଜ୍ୟ ନ୍ୟୁୟର୍କ। ବୁଧବାର ଅପରାହ୍ନ ୪ଟା ସୁଦ୍ଧା ୨୯୯, ୬୯୧ ଜଣ ଆକ୍ରାନ୍ତ ହୋଇଥିବା ବେଳେ ୨୩,୩୮୪ ଜଣ ଚିକିତ୍ସାଧୀନ ରହିଛନ୍ତି।