ବାରିପଦା, 03.12.2020 (ଲିଙ୍ଗରାଜ ପଣ୍ଡା): ବଡ଼ସାହି ଥାନା ଅନ୍ତର୍ଗତ ଭୀମଦା ପଞ୍ଚାୟତ ଦାସୀପୁର ଗ୍ରାମର ଶ୍ୟାମସୁନ୍ଦର ଜେନାଙ୍କ ପୁଅ ଜୟନ୍ତ ଓରଫ ମଦନ(୩୮)ଙ୍କର ଗତକାଲି ବିଳମ୍ବିତ ରାତିରେ ଏକ ଅଜଣା ଗାଡ଼ି ଧକ୍କାରେ ମୃତ୍ୟୁ ଘଟିଛି। ଜୟନ୍ତ ଏକ ସ୍କୁଟି ଯୋଗେ ଘରକୁ ଫେରୁଥିବା ବେଳେ ମାଣତ୍ରି-ଭୀମଦା ରାସ୍ତାର ଗଙ୍ଗାହାର ନଦୀ ପୋଲ ଉପରେ ପଛପଟୁ ଆସୁଥିବା ଏକ ୪ ଚକିଆ ଗାଡ଼ି ତାଙ୍କୁ ଧକ୍କା ଦେଇ ଚମ୍ପଟ ମାରିଥିଲା। ଜୟନ୍ତ ସ୍କୁଟିରୁ ଛିଟିକି ପଡ଼ିଥିଲେ। ପଣ ଓ ତାଙ୍କ ମୁଣ୍ଡରେ ଶକ୍ତ ଆଘାତ ଲାଗି ପ୍ରବଳ ଅତ ରକ୍ତସ୍ରାବ ହୋଇଥିଲା। ଖବର ପାଇ ଘରଲୋକେ ବକୁ ପହଞ୍ଚି ତାଙ୍କୁ ଉଦ୍ଧାର କରି ସଙ୍ଗେ ସଙ୍ଗେ ବଡ଼ସାହି ବଂ ଡାକ୍ତରଖାନାକୁ ଆଣିଥିଲେ। ମାତ୍ର ଡାକ୍ତର ଜୟନ୍ତଙ୍କୁ ଡ ମୃତ ଘୋଷଣା କରିଥିଲେ। ଜୟନ୍ତ ଥିଲେ ବଡ଼ସାହି କ ବ୍ଲକ ମାଣତ୍ରି ମଣ୍ଡଳ ବିଜେପିର ଉପସଭାପତି ତାଙ୍କ ଜ ମୃତ୍ୟୁ ଖବର ପାଇ ବ୍ଲକ୍ ବିଜେପିର ଶଶିଶେଖର ପଣ୍ଡା, ଭବାନୀ ଶଙ୍କର ସାହୁ, ସୁବାଷ ଦ୍ବିବେଦୀ, ଅଭୟ ମହାପାତ୍ର, ନରୋତ୍ତମ ମହାପାତ୍ରଙ୍କ ସମେତ ବହୁ କର୍ମକର୍ତ୍ତା ଡାକ୍ତରଖାନାରେ ପହଞ୍ଚିଥିଲେ। ବଡ଼ସାହି ବିଧାୟକ ସନାତନ ବିଜୁଳି ମଧ୍ୟ ଡାକ୍ତରଖାନାରେ ପହଞ୍ଚି ଜୟନ୍ତଙ୍କ ଶେଷ ଦର୍ଶନ କରିବା ସହ ପରିବାର ଲୋକଙ୍କୁ ସମବେଦନା ଜଣାଇଥିଲେ। ଏ ନେଇ ବଡ଼ସାହି ଥାନାରେ କେସ୍ ନଂ ୧୫୪୨୦ରେ ଏକ ମାମଲା ରୁଜୁ ହୋଇଛି।
