ସହିଦଙ୍କ ଫଟୋଚିତ୍ର ଉନ୍ମୋଚନ କଲେ ଏସ୍‌ଡିପିଓ

ବାରିପଦା, ୨୮/୧୦ (ସନ୍ଧାନ ନ୍ୟୁଜ୍/ଲିଙ୍ଗରାଜ ପଣ୍ଡା)- ୨୦୦୯ ଅକ୍ଟୋବର ୧୩ରେ ମାଓବାଦୀଙ୍କ ଗୁଳିର ସାମା କରିବାକୁ ଯାଇ ସହିଦ ହୋଇଥିବା ଚାନ୍ଦୁଆ ଥାନା ଏଏସ୍ଆଇ ନାରାୟଣଚନ୍ଦ୍ର ପ୍ରଧାନ, ହାବିଲଦାର ରାଜେନ୍ଦ୍ର ମହାନ୍ତ ଓ କଣ୍ଟେବଲ ଗମ୍ଭା ହେମ୍ନମଙ୍କ ଫଟୋଚିତ୍ରକୁ ମୟୂରଭଞ୍ଜ ଆରକ୍ଷୀ ଅଧୀକ୍ଷକ ସ୍ତିଥ ପି ପରମାର ବାରିପଦା ଟାଉନ ଥାନା ପରିସରରେ ଆନୁଷ୍ଠାନିକ ଭାବେ ଉନ୍ମୋଚନ ଉନ୍ମୋଚନ କରିଛନ୍ତି। ଏହି ସମୟରେ ଅତିରିକ୍ତ ଆରକ୍ଷୀ ଅଧୀକ୍ଷକ ସୁଦାମ ଚରଣ ସାହୁ, ବାରିପଦା ସଦର ଏସ୍‌ଡିପିଓ କେ ହରିପ୍ରଦାସ ଓ ବାରିପଦା ଟାଉନ ଥାନା ଅଧିକାରୀ ବୀରେନ୍ଦ୍ର କୁମାର ସେନାପତି ପ୍ରମୁଖଙ୍କ ସହ ଥାନାର ସମସ୍ତ କର୍ମଚାରୀ ଉପସ୍ଥିତ ରହି ସହିଦଙ୍କ ଫଟୋଚିତ୍ରରେ ଶ୍ରଦ୍ଧା ସୁମନ ଅର୍ପଣ କରିଥିଲେ। ସୂଚନାଯୋଗ୍ୟ, ଓଡ଼ିଶାର ସମସ୍ତ ଥାନାରେ ଆଜି ସଂପୃକ୍ତ ଅଞ୍ଚଳର ସହିଦ ପୁଲିସ କର୍ମଚାରୀମାନଙ୍କ ଫଟୋଚିତ୍ର ଲଗାଇବା ପାଇଁ ୧ ରାଜ୍ୟ ପୁଲିସ ମହାନିର୍ଦ୍ଦେଶକଙ୍କ ନିର୍ଦ୍ଦେଶ ଦେଇଥିଲେ।