ସତ୍ୟ ସାଇ ଭଜନ ମଣ୍ଡଳୀ ପକ୍ଷରୁ ପବିତ୍ର ଈଶ୍ୱରାମ୍ମା ଦିବସ ପାଳିତ

ବୈପାରିଗୁଡା, ୮/୫ (ସନ୍ଧାନ ନିୟୁଜ) – କୋରାପୁଟ ଜିଲ୍ଲାର ବୈପାରିଗୁଡା ଠାରେ ଥିବା ଶ୍ରୀ ଶ୍ରୀ ଶ୍ରୀ ସତ୍ୟ ସାଇ ବାବା ଙ୍କ ମନ୍ଦିର ଠାରେ ଶ୍ରୀ ସତ୍ୟ ସାଇ ଭଜନ ମଣ୍ଡଳୀ ପକ୍ଷରୁ ପବିତ୍ର ଈଶ୍ୱରାମ୍ମା ଦିବସ ପାଳିତ ହୋଇଯାଇଛି ।ଉକ୍ତ କାର୍ଯ୍ୟକ୍ରମଟି ପ୍ରାତଃ ୪ଟା ସମୟରେ ଓଁକାରମ ରୁ ଆରମ୍ଭ ହୋଇ ନଗର ସଂକୀର୍ତ୍ତନ,ଅଷ୍ଟତ୍ତର ଶତନାମାବଳୀ ପୂଜା କରାଯାଇ ଭଜନ ମଣ୍ଡଳୀ ର ଅଧିନରେ ଥିବା ବୈପାରିଗୁଡା ବାଳବିକାଶ କେନ୍ଦ୍ର ଓ ଗୁଣ୍ଠାଗୁଡା ବାଳବିକାଶ କେନ୍ଦ୍ର ର ଛାତ୍ର ଛାତ୍ରୀ ମାନଙ୍କୁ ନେଇ ବେଦମନ୍ତ୍ର,ଭଜନ,ସ୍ଵାଗତ ସଙ୍ଗୀତ,ଆଧ୍ୟାତ୍ମିକ ନୃତ୍ୟ, ନାଟକ ପରିବେଷଣ କରାଯାଇ ସଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ କରାଯାଇଥିଲା ।ଏହି କାର୍ଯ୍ୟକ୍ରମ ରେ ଶ୍ରୀ ସତ୍ୟସାଇ ସେବା ସମିତି କୋରାପୁଟ ଜିଲ୍ଲାର ଜିଲ୍ଲା ସଭାପତି ଶ୍ରୀ ଏସ.ନାଗଭୂଷଣ ରାଓ ଓ ତାଙ୍କ ଧର୍ମପତ୍ନୀ ଶ୍ରୀମତୀ ଏସ. ସଚ୍ଚିଦେବୀ ଉପସ୍ଥିତ ରହି ସମସ୍ତ ଙ୍କୁ ପବିତ୍ର ଈଶ୍ୱରାମ୍ମା ଦିବସ ର ତାତ୍ପର୍ଯ୍ୟ,ବାଳବିକାଶ ର ମୂଲ୍ୟବୋଧ ଏବଂ ପ୍ରକୃତ ସାଇ ଭକ୍ତ ହେବା ପାଇଁ ଅନେକ ଉଦାହରଣ ମାଧ୍ୟମରେ ମାର୍ଗ ଦର୍ଶନ କରି ଭଗବାନ ଙ୍କ ବାର୍ତ୍ତାକୁ ପହଞ୍ଚାଇଥିଲେ ।ଉକ୍ତ କାର୍ଯ୍ୟକ୍ରମରେ ବାଳବିକାଶ ଗୁରୁମା ଶ୍ରୀମତୀ ମନୀତା ମହାପାତ୍ର,ଶ୍ରୀମତୀ ରଶ୍ମିତା ବେହେରା,ଶ୍ରୀମତୀ ରୀନାଵାଳା ବେହେରା ଙ୍କ ନିର୍ଦ୍ଦେଶନାରେ ବାଳବିକାଶ ଛାତ୍ର ଛାତ୍ରୀ ଙ୍କ ଅଭିନୟ ଉଚ୍ଚକୋଟୀର ଆଧ୍ୟାତ୍ମିକତା ପ୍ରତିପାଦିତ ହେଉଥିବା ଜିଲ୍ଲା ସଭାପତି ପ୍ରକାଶ କରିଥିଲେ ।   ରିପୋର୍ଟ – ସରୋଜ କୁମାର ଲେଙ୍କା ।