ରସିକ ପ୍ରେମିକଙ୍କୁ କୋର୍ଟ ଚାଲାଣ କଲା ପୁଲିସ

ରାଉରକେଲା/ଲାଠିକଟା ୨୪/୧୨ (ସନ୍ଧାନ ନିୟୁଜ): ଗତକାଲି ସୋମବାର ପୁଲିସ ଦ୍ୱାରା ଗିରଫ ହୋଇଥିବା ରସିକ ବିହାରୀକୁ ଆଜି  ମଙ୍ଗଳବାର ପୁଲିସ କୋର୍ଟଚାଲାଣ କରିଛି   l  ଏହି ଘଟଣା ରାଉରକେଲା ସହରରେ  ଆଲୋଡନ ଖେଳାଇ ଦେଇଛି l ଗତକାଲି  ମଧ୍ୟାନରେ ଫର୍ଟିଲାଇଜ଼ର ଗଞ୍ଜୁ  ମାର୍କେଟ ରାସ୍ତାରେ ବିହାର ମୁଜାଫରନଗର  ଅଂଚଳର ରାହୁଲ ଚୌଧୁରୀ  ନାମକ ଜଣେ ଯୁବକଙ୍କୁ  ଜଣେ ମହିଳା ନିସ୍ତୁକ ମାଡ ମାରିବା ଦେଖିବାକୁ ମିଳିଥିଲା |

ଏହି ଘଟଣାର ଖବର ପାଇ ଟାଙ୍ଗରପାଲି ପୁଲିସ କର୍ମୀ ଘଟଣାସ୍ଥଳ ପହଂଚି ସେହି ଯୁବକାଙ୍କୁ ଉଦ୍ଧାର କରି ଥିଲେ | ମିଳିଥିବା ସୂଚନା ଅନୁଯାୟୀ,  ପ୍ରାୟ 8 ମାସ ତଳେ ବିହାର ଅଂଚଳର ଜଣେ ଯୁବକଙ୍କ ସହ ଫର୍ଟିଲାଇଜ଼ର ନାରାୟଣୀ ମାର୍କେଟ ଠାରେ ରହୁଥିବା ଯୁବତୀ  ସହ  ସହ ପ୍ରେମ  ସମ୍ପର୍କ  ଗଢ଼ୀ ଉଠିଥିଲା | ସେତେବେଳେ ଯୁବକ ପ୍ରେମିକାଙ୍କୁ ଅପହରଣ କରି ନେଇ ଯାଇଥିବା ବେଳେ ଆଜି ରାଉରକେଲା ଆସିଥିବା ବେଳେ ଝିଅର  ମାଆଙ୍କ ହାବୁଡ଼ ରେ ପଡିଥିଲେ | କଥିତ ପ୍ରେମୀ  ଯୁବକଙ୍କୁ  ମହିଳା ମାଡ଼  ମାରିବା ବେଳେ  ଗଞ୍ଜୁ ମାର୍କେଟ ରାସ୍ତା କିଛି ସମୟ ପାଇଁ ଲୋକାରଣ୍ୟ ହୋଇ ଉଠିଥିଲା  | କେହି ଜଣେ ଟାଙ୍ଗରପାଲି ପୁଲିସକୁ  ଖବର ଦେବା ପରେ ପିସିଆର ଗାଡି ମାଡ ଖାଉଥିବା ଯୁବକଂକୁ ଉଦ୍ଧାର କରି ଥାନା କୁ ନେଇ ଥିଲା, ପରେ ଯୁବତିଙ୍କ ଏତଲା ଆଧାରରେ ପୁଲିସ ପ୍ରେମିକ ରାହୁଲଙ୍କୁ ଗିରଫ କରିଥିଲା  |