ବିବେକାନନ୍ଦ ଯୁବ ସଂସଦ ତରଫରୁ ୨୩ତମ ଇ-ପାଠ୍ୟଚକ୍ର

Spread the love

କଟକ, ୨୨/୧୧/୨୦ (ସନ୍ଧାନ ନିଉଜ) : ବିବେକାନନ୍ଦ ଯୁବ ସଂସଦ ତରଫରୁ ୨୩ତମ ଇ-ପାଠ୍ୟଚକ୍ର, ୨୨ ନଭେମ୍ବର ସଂଧ୍ୟା ୬.୩୦-୮.୦୦ ମଧ୍ୟରେ ଗୁଗଲ୍ ମିଟ୍ ଆପ୍ ମାଧ୍ୟମରେ ଅନୁଷ୍ଠିତ ହେଇଜାଇଛି । ଏଥିରେ ମୁଖ୍ୟବକ୍ତା ଭାବେ ଯୋଗଦାନ କରିଥିଲେ ଶ୍ରୀ ଅଭିନବ ଗୋସ୍ୱାମୀ, ପ୍ରତିଷ୍ଠାତା , ବୈଦିକ ଟ୍ରି ଫାଉଣ୍ତେସନ୍,ଆଲିଗଡ,ଉତ୍ତର ପ୍ରଦେଶ ।ସେ ତାଙ୍କ ଅଭିଭାଷଣରେ ଗୋ ସମ୍ପଦକୁ ପ୍ରାଧାନ୍ୟ ଦେଇ କିଭଳି ସ୍ୱୟଂସମ୍ପୂର୍ଣ୍ଣ ବ୍ୟବସ୍ଥା ସୃଷ୍ଟି କରିହେବ ଯାହା ନିଜ ପ୍ରତିଷ୍ଠାନର ଉଦାହରଣ ମାଧ୍ୟମରେ ବର୍ଣ୍ଣନା କରିଥିଲେ ଯଉଠି ମୌଳିକ ଉତ୍ପାଦ ସହ ବିଦ୍ୟୁତ୍ ଉତ୍ପାଦନ, ରନ୍ଧନ ଗ୍ୟାସ୍ ଉତ୍ପାଦନ ତଥା ଗୋ-ପର୍ଯ୍ୟଟନ ଦ୍ୱାରା କିଭଳି ବିକାଶ କରାଯାଇପାରିବ ସେହିବିଷୟରେ ଉଦ୍ ବୋଧନ ଦେଇଥିଲେ ।ଆଜୀବନ ସଦସ୍ୟ ଶ୍ରୀ ରମଣ ଅଗ୍ରୱାଲ ଏଥିରେ ପୌରୋହିତ୍ୟ କରିଥିବା ସ୍ଥଳେ ସଂଯୋଜନା କରିଥିଲେ ସ୍ୱମୀବିବେକାନନ୍ଦ ଯୁବସଂସଦର ସହ ଆବାହକ ଶ୍ରୀ ବିଶ୍ୱଶ୍ୱର ମହାପାତ୍ର । ପ୍ରାରମ୍ଭରେ ସୁଶ୍ରୀ ଅହଲ୍ୟା ଗୋଚ୍ଛାୟତ ଗଣେଶ ଏବଂ ସରସ୍ୱତୀଙ୍କ ବନ୍ଦନା ପରିବେଷଣ କରିଥିବା ସ୍ଥଳେ ଶେଷରେ ସମବେତ ଶାନ୍ତିପାଠ କରାଯାଇ ଜଗତ କଲ୍ୟାଣ କାମନା କରାଯାଇଥିକା । ଯୁବସଂସଦ ପରିଚାଳନା ସମିତିର ତମସା ଦଳର ପାର୍ଥସାରଥି ସାହୁ,ଦିଲେଶ୍ୱର ବିଶୋଇ ଏବଂ ସଂଜୟ ମୁଖି ସଭା ପରିଚାଳନା କରିଥିଲେ ।ଶେଷରେ ଧନ୍ୟବାଦ ଅର୍ପଣ କରିଥିଲେ ଯାଜପୁର ଜିଲ୍ଲା ସ୍ୱାମୀ ବିବେକାନନ୍ଦ ଯୁବ ସଂସଦର ଜିଲ୍ଲା ସଂଯୋଜକ ଶ୍ରୀ ଋପେଶ ମହାରଣା । ଆଗାମୀ ରବିବାର ଗ୍ରାମୀଣ ବିକାଶ ଶୀର୍ଷକରେ ୱେବିନାର୍ ଆୟୋଜିତ ହେବ ବୋଲିଅନୁଷ୍ଠାନର ସମ୍ପାଦକ ଡ. ଚିତ୍ତରଞ୍ଜନ ନାୟକ ଏକ ପ୍ରେସ୍ ବିବୃତ୍ତିରେ ସୂଚନା ପ୍ରଦାନ କରିଛନ୍ତି ।