ବର୍ତମଣା ମଙ୍ଗଳା ମନ୍ଦିରରୁ ପୁଣି ଚୋରି,ଦୁବୃର୍ତଙ୍କ ଟେର ପାଉନି ପୁଲିସ

ଯାଜପୁର, ୨୭/୦୨ (ସନ୍ଧାନ ନିୟୁଜ) ପାଣିକୋଇଲି ଥାନା ଅନ୍ତର୍ଗତକରଦା ପଂଚାୟତର ବର୍ତମଣା ଗ୍ରାମର ପ୍ରଧାନସାହି ଠାରେ ଥିବା ମା ମଙ୍ଗଳା ମନ୍ଦିରରୁ ଗତ ୧୯ ତାରିଖ ରାତ୍ରୀରେ ଚୋରି ହୋଇଥବବା ବେଳେ ପୁଣି ମଙ୍ଗଳବାର ରାତ୍ରୀରେ ଚାବି ଭାଙ୍ଗି ୧୫ ଭରିର ରୂପା ମୁକୁଟ ଚୋରି ହୋଇଛି । ଏନେଇ ଥାନାରେ ଅଭିଯୋଗ ହେବା ପରେ ପୁଲିସ ମାମଲା ରୁଜ୍ଜୁ କରି ଘଟଣାସ୍ଥଳେ ପହଂଚି ତଦନ୍ତ କରିଛି । ସନ୍ଧାନୀ କୁକୁର ସହାୟତା ନେବା ପାଇଁ ମନ୍ଦିରକୁ ସିଲ କରାଯିବା ସହ ମାଙ୍କ ନିତୀକାନ୍ତି ବନ୍ଦ ରହିଛି । ଗତ ୧୯ ତାରିଖ ମାଙ୍କ ୫୦ଗ୍ରାମ ସୁନାର ମୁକୁଟ, ୧୦ ଗ୍ରାମର ୩ଟି ସୁନା ଚିତା ଚୋରି ହୋଇଛି । ଅଭିଯୋଗ ପରେ ଥାନାଧିକାରୀ ଅଜୟ କୁମାର ଜେନା ସଦଳବଳେ ଘଟଣାସ୍ଥଳେ ପହଂଚି ସାଇନଟିକଫିକ ଟିମ ସହାୟତାରେ ତଦନ୍ତ କରିଥିଲେ । କିନ୍ତୁ ପରେ ଗ୍ରାମବାସୀମାନେ ୧୫ ଭରିର ଏକ ରୂପା ମୁକୁଟ ଆଣି ମନ୍ଦିରରେ ପୂଜା ପାଠ କରି ମାଙ୍କୁ ବେଶ କରାଇଥିଲେ । ଏବଂ ସେବେ ଠାରୁ ମନ୍ଦିରରେ ଚାବି ପକାଉଥିଲେ । ପୁଣି ରୂପା ମୁକୁଟ ଚୋରି ନେଇ ଗ୍ରାମରେ ଅସନ୍ତୋଷ ଦେଖାଦେଇଛି । ଏ ସର୍ମ୍ପକରେ କେହି ଜଣାସୁଣା ବ୍ୟକ୍ତି ବା ଗ୍ରାମବାସୀଙ୍କ ମଧ୍ୟରୁ କାହାର ହାତଥିବା ସନେ୍ଦହ କରାଯାଉଛି । ହେଲେ ସନ୍ଧାନୀ କୁକୁର ଦାବି କରିଥିବା ଗ୍ରାମବାସୀ କୁକୁର ଆସିବା ପରେ ଯାହା କିଛିି ଜଣାପଡିବ ।