ପ୍ରକାଶ ପାଇଲା ମାଟ୍ରିକ ପରୀକ୍ଷା ଫଳ

କଟକ/ରାଉରକେଲା, ୨୯/୦୭/୨୦ (ସନ୍ଧାନ ନିଉଜ) : ପ୍ରକାଶ ପାଇଲା ଚଳିତବର୍ଷ ମାଟ୍ରିକ ପରୀକ୍ଷା ଫଳ । ଚଳିତବର୍ଷ ପାସ ହାର 78.76 ପ୍ରତିଶତ । ସମୁଦାୟ 4, 21,256 ଜଣ ଛାତ୍ରଛାତ୍ରୀ ପାସ କରିଛନ୍ତି । ସେପଟେ 2,47,451 ଜଣ ଛାତ୍ର ପରୀକ୍ଷା ଦେଇଥିବାବେଳେ 1,92,501 ଜଣ ପାସ କରିଛନ୍ତି । ପାସହାର 77.8 ପ୍ରତିଶତ ରହିଛି ।ତେବେ A1 ରେ 1279 ଜଣ ପରୀକ୍ଷାର୍ଥୀ ପାସ୍‌ କରିଛନ୍ତି । A2 ରେ 8458, B1 ରେ 18,188, B2 ରେ 31,328 ଓ Cରେ 48153 ଜଣ ପରୀକ୍ଷାର୍ଥୀ ପାସ କରିଛନ୍ତି ।ଅନ୍ୟପଟେ ଗତଥର 289ଟି ବିଦ୍ୟାଳୟରେ ଶତ ପ୍ରତିଶତ ରେଜଲ୍ଟ ହୋଇଥିବାବେଳେ ଚଳିତ ବର୍ଷ 678ଟି ବିଦ୍ୟାଳୟରେ ଶତ ପ୍ରତିଶତ ରେଜଲ୍ଟ ରହିଛି । ସେହିପରି 31ଟି ସ୍କୁଲରେ ଫଳାଫଳ ଶୂନ ରହିଛି । ଚଳିତବର୍ଷ 2828 ଟି କେନ୍ଦ୍ରରେ 5 ଲକ୍ଷ 47 ହଜାର 270 ଜଣ ପରୀକ୍ଷାର୍ଥୀ ପରୀକ୍ଷା ଦେଇଥିଲେ ।