ଭୁବନେଶ୍ୱର, ୧୮/୦୪ (ସନ୍ଧାନ ନିଉଜ) : ରାଜ୍ୟରେ କରୋନା ଆକ୍ରାନ୍ତ ହୋଇଥିବା ଦୁଇଜଣ ଆଜି ସୁସ୍ଥ ହୋଇ ହସ୍ପିଟାଲରୁ ଡିସଚାର୍ଜ ହୋଇଛନ୍ତି। ନମୁନା ନେଗେଟିଭ୍ ଆସିବା ପରେ ସେମାନଙ୍କୁ ଡିସଚାର୍ଜ କରାଯାଇଛି। ଏହି ଦୁଇ ଆକ୍ରାନ୍ତ ଭୁବନେଶ୍ୱରର ବୋଲି ସ୍ୱାସ୍ଥ୍ୟ ବିଭାଗ ସୂଚନା ଦେଇଥିବାରୁ ରାଜ୍ୟରେ ସୁସ୍ଥ ହୋଇଥିବା ସଂଖ୍ୟା ୨୧ରେ ପହଞ୍ଚିଛି। କରୋନା ହଟସ୍ପଟ୍ ଚିହ୍ନଟ ହୋଇଥିବା ଭୁବନେଶ୍ୱର ପାଇଁ ଏହା ଏକ ଭଲ ଖବର। ପୂର୍ବରୁ ୧୯ ଜଣ ସୁସ୍ଥ ହୋଇଥିଲେ। ଏବେ ସୁଦ୍ଧା ରାଜ୍ୟରେ ମୋଟ ୬୦ଟି ପଜିଟିଭ ଥିବା ବେଳେ ୩୮ ଜଣ ଆକ୍ରାନ୍ତ ଚିକିତ୍ସିତ ଅଛନ୍ତି। ଜଣଙ୍କର ମୃତ୍ୟୁ ହୋଇଛି।