ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ହସ୍ପିଟାଲରେ ଭର୍ତ୍ତି

Spread the love
  •  
  •  
  •  
  •  
  •  

ନୂଆ ଦିଲ୍ଲୀ ୦୩/୧୦/୨୦୨୦ (ସନ୍ଧାନ ନିଉଜ) : ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କୁ ହସ୍ପିଟାସରେ ଭର୍ତ୍ତି ହୋଇଥିବା ଜଣାପଡ଼ିଛି। ଏ ନେଇ ସେ ଏକ ଭିଡ଼ିଓ ସେୟାର କରିଛନ୍ତି। ସେ ସୁସ୍ଥ ଅଛନ୍ତି। ଫାଷ୍ଟ ଲେଡ଼ି ମିଲେନିଆ ମଧ୍ୟ ସୁସ୍ଥ ଥିବା ପ୍ରକାଶ କରିଛନ୍ତି ଟ୍ରମ୍ପ। ତାଙ୍କର କରୋନା ଟେଷ୍ଟ ରିପୋର୍ଟ ପଜିଟିଭ୍ ଆସିଥିଲା। ଏହାପରେ ସେ କ୍ୱାରେଣ୍ଟିନରେ ଥିଲେ କିନ୍ତୁ ବର୍ତ୍ତମାନ ଗଣମାଧ୍ୟମ ରିପୋର୍ଟରୁ ଜଣାପଡ଼ିଛିଯେ, ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି।
ସୂଚନା ଅନୁଯାୟୀ, ସେ ୱାଲ୍ଟର ରିଡ ହସ୍ପିଟାଲରେ ଭର୍ତ୍ତି ହୋଇଛନ୍ତି। ଯେଉଁଠାରେ ତାଙ୍କର ଚିକିତ୍ସା କରାଯିବ।
ଟ୍ରମ୍ପଙ୍କ ପତ୍ନୀ ମେଲାନିଆ ଟ୍ରମ୍ପ ମଧ୍ୟ କରୋନାରେ ସଂକ୍ରମିତ ହୋଇଛନ୍ତି। ଗୁରୁବାର ସନ୍ଧ୍ୟାରେ ସେ ସଂକ୍ରମିତ ହୋଇଥିବା ଟ୍ରମ୍ପଙ୍କ ଡାକ୍ତର ସଚିନ କନଲି କହିଥିଲେ। ଶୁକ୍ରବାର ଦିନ ରାଷ୍ଟ୍ରପତି ଟ୍ରମ୍ପ ନିଜେ ଟ୍ୱିଟ୍ ମାଧ୍ୟମରେ କରୋନା ସଂକ୍ରମିତ ହେବା ବିଷୟରେ ସୂଚନା ଦେଇଥିଲେ। ସେ କହିଥିଲେ ଯେ ସେ ଏବଂ ତାଙ୍କ ପତ୍ନୀ ମେଲାନିଆ ଟ୍ରମ୍ପ କରୋନା ସଂକ୍ରମଣରେ ପୀଡିତ ହୋଇଛନ୍ତି।
ଏ ନେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ, ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଏବଂ ତାଙ୍କ ପତ୍ନୀ ମିଲାନିଆ ଶୀଘ୍ର ସୁସ୍ଥ ହେବାକୁ କାମନା କରିଥିଲେ। ପ୍ରଧାନମନ୍ତ୍ରୀ ମୋଦି ଟୁଇଟ୍ କରି କହିଥିଲେ, ” ମୁଁ ମୋର ବନ୍ଧୁ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଏବଂ ତାଙ୍କ ପତ୍ନୀ ମେଲାନିଆଙ୍କର ଯଥାଶୀଘ୍ର ଉତ୍ତମ ସ୍ୱାସ୍ଥ୍ୟ କାମନା କରୁଛି”।ବାସ୍ତବରେ, ହ୍ୱାଇଟ ହାଉସରେ ଡୋନାଲ୍ଡ ଟ୍ରମ୍ପଙ୍କ ବ୍ୟକ୍ତିଗତ ପରାମର୍ଶଦାତା ହୋପ ହିକ୍ସ ମଧ୍ୟ କରୋନା ସଂକ୍ରମଣର ଶିକାର ହୋଇଥିଲେ ଏବଂ ତା’ପରେ ରାଷ୍ଟ୍ରପତି ଟ୍ରମ୍ପ ଟ୍ୱିଟ କରି କହିଥିଲେ ଯେ ତାଙ୍କ ବ୍ୟକ୍ତିଗତ ପରାମର୍ଶଦାତାଙ୍କର କରୋନା ସଂକ୍ରମିତ ହେବା ପରେ, ସେ ଏବଂ ତାଙ୍କ ପତ୍ନୀ ମେଲାନିଆ ଟ୍ରମ୍ପ କରୋନା ଟେଷ୍ଟ କରିଥିଲେ ଏବଂ ତାଙ୍କର ରିପୋର୍ଟ ପଜିଟିଭ୍ ଆସିଛି।

ସୂଚନାଯୋଗ୍ୟ ଯେ,  ଯେତେବେଳେ କରୋନା ଭୂତାଣୁ ବିସ୍ତାର ହେବା ଆରମ୍ଭ ହେଲା ଏବଂ ଆମେରିକାରେ ପରିସ୍ଥିତି ଗୁରୁତର ହେବାକୁ ଲାଗିଲା, ସେତେବେଳେ ଆମେରିକାର ରାଷ୍ଟ୍ରପତି ଟ୍ରମ୍ପ ଅନେକ ସମାରୋହ ତଥା ସାଧାରଣ କାର୍ଯ୍ୟକ୍ରମରେ ମାସ୍କ ପିନ୍ଧୁ ନଥିଲେ ଏବଂ ପଚାରିବାରୁ ସେ କହିଥିଲେ ଯେ ଏହାର ଆବଶ୍ୟକ ନାହିଁ। କିନ୍ତୁ, ପରେ ସେ ମାସ୍କ ବ୍ୟବହାର କରିବା ଆରମ୍ଭ କରିଥିଲେ।

Related Posts

About The Author

Add Comment