ଅମ୍ବିକା ଦେବୀ ହାଇସ୍କୁଲର ୩୧ତମ ବାର୍ଷିକ କ୍ରୀଡ଼ା ଉତ୍ସବ ଉଦ୍‌ଘାଟିତ

ଯାଜପୁର,୩୦/୦୧,ସନ୍ଧାନ ନ୍ୟୁଜ: ଯାଜପୁର ସହର ନିକଟସ୍ଥ ଆଙ୍କୁଲା ଗ୍ରାମର ଅମ୍ବିକା ଦେବୀ ହାଇସ୍କୁଲ୍ ଓ ପ୍ରାଣକୃଷ୍ଣ କର ନୋଡ଼ାଲ ଉଚ୍ଚ ପ୍ରାଥମିକ ବିଦ୍ୟାଳୟର ୩୧ତମ କ୍ରୀଡ଼ା ଉତ୍ସବ ସ୍କୁଲ୍ ପ୍ରାଙ୍ଗଣରେ ଅନୁଷ୍ଠିତ ହୋଇଯାଇଛି । ଏହି ଉତ୍ସବରେ ହାଇସ୍କୁଲର ସଭାପତି ଦିଗମ୍ବର କର ମୁଖ୍ୟ ଅତିଥି ଭାବେ ଯୋଗଦେଇଥିବା ବେଳେ ନୋଡ଼ାଲ ସ୍କୁଲର ପ୍ରାକ୍ତନ ପ୍ରଧାନ ଶିକ୍ଷକ ଗୟାଧର ପୁହାଣ, ହାଇସ୍କୁଲର ପ୍ରଧାନ ଶିକ୍ଷକ ଅଜୁର୍ନ କୁମାର ଦାସ, ନୋଡ଼ାଲ ସ୍କୁଲର ପ୍ରଧାନ ଶିକ୍ଷୟିତ୍ରୀ ସନ୍ଧ୍ୟାରାଣୀ ପାଢ଼ୀ ଉଦ୍‌ଘାଟନୀ ଉତ୍ସବରେ ଯୋଗ ଦେଇଥିଲେ । ଅନ୍ୟମାନଙ୍କ ମଧ୍ୟରେ ଖେଳ ପରିଚାଳନା କରିଥିଲେ ଖେଳ ଶିକ୍ଷୟିତ୍ରୀ ଧନ୍ୟାଶ୍ରୀ ମିଶ୍ର ଏଥିରେ ସହଯୋଗ କରିଥିଲେ ନୋଡ଼ାଲ ସ୍କୁଲର ଶିକ୍ଷୟିତ୍ରୀ ପୂର୍ଣ୍ଣିମା ରାୟ, ମଞ୍ଜୁଲତା ନନ୍ଦ, ଅସ୍ମିତା ଷଡ଼ଙ୍ଗୀ, ମୀରାରାଣୀ ଗୁରୁ ଓ ଶ୍ୟାମ ସୁନ୍ଦର ସାହୁ । ହାଇସ୍କୁଲର ଶିକ୍ଷକ ବିଷ୍ଣୁ ପାଣିଗ୍ରାହୀ, ପ୍ରଭାତ ରଞ୍ଜନ ନନ୍ଦ, ବିଜୟ କୁମାର ପଣ୍ଡା, କୃଷ୍ଣ ଚନ୍ଦ୍ର ଯେନା, ବଟକୃଷ୍ଣ ବେହେରା ଏବଂ ଅନ୍ୟ କର୍ମଚାରୀ ଗିରିଶ କୁମାର ମହାନ୍ତି, ଶଶିଭୂଷଣ ନନ୍ଦ ଓ ବିଚିତ୍ରା ନନ୍ଦ ରାଉତ ପ୍ରମୁଖ ସହଯୋଗ କରିଥିଲେ ।