ସୁବାଷ ଘିଅ କମ୍ପାନୀ ମାଲିକ ସୁବାଷ ମଲ୍ଲିକ ଗିରଫ

କଟକ, 30.01.2021 (ସନ୍ଧାନ ନିଉଜ୍):–  ଜଗତପୁର ଘିଅ କାରଖାନରେ ଚଢାଉ ଘଟଣାରେ ସଂପୃକ୍ତ କାରଖାନାର ମାଲିକ ସୁବାଷ ମଲ୍ଲିକକୁ ଗିରଫ କରିଛି ପୋଲିସ । କିଛି ଦିନ ତଳେ କମିସନରେଟ୍‌ ପୋଲିସ ପକ୍ଷରୁ ସୁବାଷ ଘିଅ କାରଖାନା ଉପରେ ଚଢାଉ କରାଯାଇଥିଲା । ଚଢଉ ବେଳେ ଉକ୍ତ କାରଖାନାରୁ ବିପୁଳ ପରିମାଣର ଅପମିଶ୍ରିତ ଘିଅ ଜବତ କରିଥିଲା ପୋଲିସ । ତେବେ ବିପୁଳ ପରିମାଣର ଅପମିଶ୍ରିତ ଘିଅ ଜବତ ହେବା ପରେ ଉକ୍ତ ଘିଅ କାରଖାନାର ମାଲିକ ସୁବାଷ ମଲ୍ଲିକୁ ନୋଟିସ୍‌ ଜାରି କରିଥିବା କମିସନରେଟ୍‌ ପୋଲିସ । ଏହି ଘଟଣାର ଅଧିକ ତଦନ୍ତ କରି, ଲୋକଙ୍କୁ ଠକିବା ଏବଂ ବେଆଇନ ଭାବେ କାରଖାନା ଚଳାଇବା ଅଭିଯୋଗରେ କାରଖାନାର ମାଲିକ ସୁବାଷ ମଲ୍ଲିକକୁ ଗିରଫ କରିଛି ପୋଲିସ ।