ରାହାଜନୀ ମାମଲାରେ ସମ୍ପୁକ୍ତ ୨ଯୁବକ ଗିରଫ

ଚଣ୍ଡିଖୋଲ, ୧୯/୭(ସନ୍ଧାନ ନିୟୁଜ)ଚଣ୍ଡିଖୋଲ ଅଂଚଳରେ ଦୀର୍ଘଦିନରୁ ହେଲା ଚୋରି, ଲୁଟୁତରାଜ, ରାହାଜାନୀ ବଢ଼ିବାରେ ଲାଗିଛି ।  ଯାହାକି ବଡଚଣା ପୋଲିସ ପାଇଁ ମୁଣ୍ଡବ୍ୟାଥର କାରଣ ପାଲଟିଥିଲା । ଏଭଳି ଅନେକ ରାହାଜାନୀ ମାମାଲାରେ ସମ୍ପୁକ୍ତ ଥିବା ୨ଜଣ ଯୁବକଙ୍କୁ ଗୁରୁବାର ଦିନ ବଡଚଣା ପୋଲିସ ଗିରଫ କରି କୋର୍ଟ ଚାଲାଣ କରିଛି । ସମ୍ପୁକ୍ତ ଯୁବକ ମାନେ ହେଲେ ନିଶିମଳା ଗ୍ରାମର ଦିବ୍ୟ ରଂଜନ ଜେନା ଓରଫ ସିପୁଆ ଓ ନୂଆ ସୁଙ୍ଗୁଡା ଗ୍ରାମର ସନାତନ ସ୍ୱାଇଁ ଓରଫ ସନିଆ ବୋଲି ପୋଲିସ ସୂଚନା ଦେଇଛି । ଯୁବକ ଦ୍ୱୟ ରାସ୍ତାରେ ଯାଉଥିବା ବାଇକ ଆରୋହୀଙ୍କ ଠାରୁ ବଡବଡ ଭାରୀଯାନ ପ୍ରର୍ଯ୍ୟନ୍ତ ବିଭିନ୍ନ ଜିନିଷ ଲୁଟୁ କରିଆସୁଥିଲେ । ତାଙ୍କ ଠାରୁ ଏକ ପଲସର ବାଇକ ଜବତ କରାଯାଇଥିବା ପୋଲିସ ପ୍ରକାଶ କରିଛି । ଦୀର୍ଘଦିନ ଏମାନଙ୍କୁ ଧରିବା ପାଇଁ ପୋଲିସ ଉଦ୍ୟମ କରୁଆସୁଥିଲା । ଏମାନଙ୍କ ନାମରେ ଅନେକ ମାମଲା ରହିଅଛି । ଆଜି ବେଣାପୁର ନିକଟରୁ ଚଣ୍ଡିଖୋଲ ପାଣ୍ଡି ଅଧିକାରୀ ନାରାୟଣ ବେହେରା ସଦଳବଳେ ଯାଇ ଗିରଫ କରିଥିଲେ । ତାଙ୍କ ନାମରେ ୧୦୬/୧୮ ଏକ ମାମଲା ରୁଜ କରାଯାଇ ଅଧିକ ତଦନ୍ତ ଜାରି ରହିଛି ।