ଯାଜପୁର ଜିଲ୍ଲାରେ ଯାଂଚପ୍ରକ୍ରିୟା କଡାକଡି, ୬ ମଦୁଆ ଗାଡିଚାଳକ କୋର୍ଟଚାଲାଣ

ଧର୍ମଶାଳା ୧୨/୯ (ସନ୍ଧାନ ନିଉଜ) ଧର୍ମଶାଳା ଓ ଯାଜପୁର ପୁଲିସ ଗାଡି ଯାଂଚ କରି ୬ ଜଣ ମଦୁଆଙ୍କୁ ଗିରଫ କରି କୋର୍ଟ ଚାଲାଣ କରିଛି । କୋର୍ଟ ଚାଲାଣ ହୋଇଥିବା ଚାଳକ ଜହ୍ନା ଗ୍ରାମର ପରମେଶ୍ୱର ରାଉତଙ୍କ ପୁଅ ଚକ୍ରଧର , ସୋତି ଗ୍ରାମର ଗୋପାଳ ସାାହୁଙ୍କ ପୁଅ ସର୍ବେଶ୍ୱର ସାହୁ, ସମସ୍ପଦ ଜମାଲପୁର ଗ୍ରାମର ପରମାନନ୍ଦ ଓ ବୋଇତାଇଙ୍କ ପୁଅ ଶରତ ବୋଇତାଇ , ବର୍ତମଣା ଗ୍ରାମର ଜଗବନ୍ଧୁ ସାହୁଙ୍କ ପୁଅ ସଂଜୟ କୁମାର ସାହୁ ହୋ ଇଥିବା ବେଳେ ଏମାନେ ମଦ୍ୟପାନ କରି ଗାଡି ଚଳାଇଥିବା ଅବସ୍ଥାରେ ଧରାପଡିଥିଲେ । ସେହିପରି ଧର୍ମଶାଳା ପୁଲିସ୍ ପକ୍ଷରୁ ୧୬ ନଂ ଜାତୀୟ ରାଜପଥ (କ) ଜାତୀୟ ରାଜପଥ ଶ୍ରୀ ରାମ ଟୋଲଗେଟ୍ଠାରେ ଚାଲିଥିବା ମଦ୍ୟପ ଡ୍ରାଇଭର ଯାଂଚ ପ୍ରକ୍ରିୟାରେ ମଦ୍ୟପାନ କରିଥିବା ୨ ଜଣ ଟ୍ରକ୍ ଡ୍ରାଇଭରଙ୍କୁ ଗିରଫ କରିଛି । ଧର୍ମଶାଳା ଥାନା ପକ୍ଷରୁ ସୋମବାର ବିଳମ୍ବିତ ରାତିରେ ଥାନା ଅଧିକାରୀ ସରୋଜ କୁମାର ସାହୁ ଓ ଅନ୍ୟ ଅଧିକାରୀ ମାନେ ଯାଂଚ କରିଥିଲେ । ମଂଗଳବାର ରାତିରେ ୩୦ ଟ୍ରକ୍ ଡ୍ରାଇଭର , ୨୮ କାର୍ ଚାଳକ, ୧୪୦ ଜଣ ବାଇକ୍ ଚାଳକଙ୍କୁ ବ୍ରେଜ୍ ଆନାଲାଇଜର ଯନ୍ତ୍ର ଜରିଆରେ ଯାଂଚ କରାଯାଇଥିଲା । ଏହି ଯାଂଚ ସମୟରେ ଉତର ପ୍ରଦେଶ ରାଜ୍ୟର ଉଦୟପୁର ଅଂଚଳର ଟ୍ରଲର ଡ୍ରାଇଭର ମହେନ୍ଦ୍ର ରାଜବାଭାର (୪୨) ଓ ଢ଼େଙ୍କାନାଳ ଜିଲ୍ଲା ଗଁଦିଆ ଥାନା ରମେଲଖମାର ଗ୍ରାମର ବାଇକ୍ ଚାଳକ ସୁନାରାମ ପୃଷ୍ଟି (୨୪) ମଦ୍ୟପାନ କରି ଗାଡି ଚଳାଉଥିବା ଅବସ୍ଥରେ ଧରାପଡିଥିଲେ । ଉଭୟଙ୍କୁ ଧର୍ମଶାଳା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ପରୀକ୍ଷା ପରେ ଚଣ୍ଡିଖୋଲ କୋର୍ଟକୁ ଚାଲାଣ କରିଥିଲେ ।