ଯଶ ରଖିବୁ

ଲିଙ୍ଗରାଜ ପଣ୍ଡା,

ସକାଳୁ ଉଠି ନିତ୍ୟକର୍ମ ସାରି
                                                         ପଢାରେ ଦେବାଟି ମନ
ଦୁଷ୍ଟାମି ନ କରି ଭଲ ପିଲା ହେବା
                                                                  ବାଃ ବାଃ ଦେବେ ଜନ ||୧||

ମାନି ଚଳୁଥିବା ଗୁରୁଜନ କଥା
                                                     ବିପଦ ପଡ଼ିବ ନାହିଁ
ଛୋଟ ବଡ ନାହିଁ ଜାତି ଅଜାତିର
                                                                     ସବୁ ଯେ ଆମରି ଭାଇ || ୨ ||

ଘୃଣା ନ କରିବ କାହାରିକୁ କେବେ
                                                      ମଣିଷ ଗୋଟିଏ ଜାତି
ଭାଇ ଭାଇ ହୋଇ ସମସ୍ତେ ଚଳିବା
                                                                ରହିଥିବ ସଦା ପ୍ରୀତି || ୩ ||

ଘରୁ ବାହାରିଲେ ରାସ୍ତାରେ ଆମେ
                                                        ବାମ ପଟରେ ଚାଲିବା
ମନେ ରଖିଥିବା ସବୁ ଭଲକଥା
                                                                    ମିଥ୍ୟ କେବେ ନ କହିବା || ୪ ||

ମିଳୁ ପଛେ ଦଣ୍ଡ କହୁଥିବା ସତ
                                                       ଲଘୁଜନେ ଗୁରୁଜନେ
ନ କରିବା ହେଳା କାମରେ କଦାପି
                                                                   ପାଠ ରଖୁଥିବା ମନେ || ୫ ||

ପାଠ ପଢି ଆମେ ନାଁ ରଖୁଥିଲେ
                                                       ହୋଇବା ଭଲ ମଣିଷ
ଦେଶ ବିଦେଶରେ ଭଲ କାମ କଲେ
                                                                ପାଇବାଟି ନିଶ୍ଚ ଯଶ || ୬ ||