ନୂଆଦିଲ୍ଲୀ ,୨୩/୦୮/୨୦ (ସନ୍ଧାନ ନିଉଜ) : ଭାରତ ସରକାରଙ୍କ ପ୍ରଧାନମନ୍ତ୍ରୀ ଉଜ୍ଜଳା ଯୋଜନା,ପ୍ରଧାନମନ୍ତ୍ରୀ ଆବାସ ଯୋଜନା, ପ୍ରଧାନମନ୍ତ୍ରୀ କିଷାନ ସମ୍ମାନ ନିଧି ଯୋଜନା, ପ୍ରଧାନମନ୍ତ୍ରୀ ମାତୃ ବନ୍ଦନା ଯୋଜନା ଭଳି ୬୫ଟି ଭିନ୍ନ ଭିନ୍ନ ଯୋଜନା ମାଧ୍ୟମରେ ଓଡ଼ିଶାର ହିତାଧିକାରୀମାନେ ଡ଼ିବିଟି ଜରିଆରେ ତଥା ସିଧାସଳଖ ବ୍ୟାଙ୍କ୍ ଖାତାରେ ୬୦, ୮୬୫ କୋଟି ଟଙ୍କା ପାଇଛନ୍ତି। ଓଡ଼ିଶା ଭଳି ଗ୍ରାମ୍ୟ ଅର୍ଥନୀତି ଅଞ୍ଚଳରେ ଡିବିଟି ; ଉଭୟ ସରକାର ଏବଂ ଲାଭାର୍ଥୀଙ୍କୁ ସହାୟକ ହୋଇଛି ବୋଲି କହିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ।
ଶ୍ରୀ ପ୍ରଧାନ ମୋଦି ସରକାରଙ୍କ ସମାବେଶୀ ଆର୍ôଥକ ଯୋଜନା ପ୍ରସଙ୍ଗରେ ଟ୍ୱିଟ୍ କରିଛନ୍ତି ଯେ ପ୍ରତ୍ୟେକ ଘରକୁ ବ୍ୟାଙ୍କ୍ ସହ ଯୋଡ଼ିବା ଏବଂ ବ୍ୟାଙ୍କ୍ ଖାତା ନଥିବା ପ୍ରତ୍ୟେକ ଲୋକଙ୍କୁ ବ୍ୟାଙ୍କିଂ ସୁବିଧା ପ୍ରଦାନ କରିବା ପାଇଁ ମୋଦି ସରକାର ପ୍ରତିଶ୍ରୁତିବଦ୍ଧ। ୨୦୧୪ ମସିହାରେ ଶୁଭାରମ୍ଭ ହୋଇଥିବା ବିଶ୍ୱର ସର୍ବବୃହତ୍ତ ସମାବେଶୀ ଆର୍ôଥକ କାର୍ଯ୍ୟକ୍ରମ ତଥା ଭୂୟଂସୀ ପ୍ରଶଂସା ପାଇଥିବା ‘ଜନଧନ ଯୋଜନା’ ଚଳିତବର୍ଷ ଅଗଷ୍ଟ ମାସ ସୁଦ୍ଧା ଦେଶର ୪୦ କୋଟିରୁ ଉର୍ଦ୍ଧ୍ୱ ହିତାଧିକାରୀଙ୍କୁ ଆର୍ôଥକ ସହାୟତା ଏବଂ ସରକାରୀ ଲାଭ ଦେଇଛି। ପ୍ରଧାନମନ୍ତ୍ରୀଙ୍କ ଏହି କଲ୍ୟାଣକାରୀ ଯୋଜନାରେ ଓଡ଼ିଶାର ୭୪ ଲକ୍ଷ ପରିବାରର ୧.୫ କୋଟିରୁ ଉର୍ଦ୍ଧ୍ୱ ଗରିବ ଲୋକ ଉପକୃତ ହୋଇପାରିଛନ୍ତି।
ସେହିପରି ‘ମୁଦ୍ରା ଯୋଜନା’ ସମାବେଶୀ ଆର୍ôଥକ ଯୋଜନା ଏବଂ ଦେଶରେ ଅଣୁ ଉଦ୍ୟୋଗ ଗୁଡ଼ିକୁ ମଜବୁତ୍ କରିବା ପାଇଁ ଅନ୍ୟ ଏକ ରଣନୈତିକ ପଦକ୍ଷେପ ଭାବେ ଉଭା ହୋଇଛି। ‘ମୁଦ୍ରା ଯୋଜନା’ରେ ଋଣ ନେଇ ଓଡ଼ିଶାର ୪୧ ଲକ୍ଷ ଲୋକ ସଶକ୍ତ ହୋଇପାରିଛନ୍ତି। ଏହା ଅପାର ସମ୍ଭାବନାର ସମ୍ଭାର ଆଣିବା ସହ ଲୋକଙ୍କ ଆର୍ôଥକ ପ୍ରତିବନ୍ଧକକୁ ମଧ୍ୟ ଦୂର କରିବାରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଛି।
ସେ କହିଛନ୍ତି ଷ୍ଟାଣ୍ଡଅପ୍ ଇଣ୍ଡିଆ ଭାରତର ସମାବେଶୀ ଆର୍ôଥକ ଯୋଜନା ପାରାଡ଼ିଜିମରେ ଆଉ ଏକ ବିପ୍ଳବ। ଷ୍ଟାଣ୍ଡଅପ୍ ଇଣ୍ଡିଆ ଓଡ଼ିଶାର ୨୫୦୦ରୁ ଉର୍ଦ୍ଧ୍ୱ ଉଦ୍ୟମୀଙ୍କ ସ୍ୱପ୍ନକୁ ପୂରଣ କରିଛି, ମହିଳାଙ୍କ ମଧ୍ୟରେ ଉଦ୍ୟୋଗୀର ପ୍ରୋତ୍ସାହନ ବଢ଼ାଇଛି ଏବଂ ଋଣ କାରଣରୁ ଅସୁବିଧାର ସମ୍ମୁଖୀନ ହେଉଥିବା ଲୋକଙ୍କୁ ସୁବିଧା ମଧ୍ୟ ଦେଇଛି।
ସମସ୍ତଙ୍କୁ ବ୍ୟାଙ୍କିଂ ସୁବିଧା, ଆର୍ôଥକ ସହାୟତା, ଋଣର ଉପଲବ୍ଧି, ବୀମା ଏବଂ ସାମାଜିକ ସୁରକ୍ଷା ପ୍ରଦାନ କରିବା ମାଧ୍ୟମରେ ଦେଶର ସମସ୍ତ ପରିବାରର ସମାବେଶୀ ଆର୍ôଥକ ଯୋଜନାକୁ ସୁନିଶ୍ଚିତ କରିବା ସହ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଏହି ଦୃଢ଼ ଇଚ୍ଛା ଆତ୍ମନିର୍ଭର ଭାରତର କେନ୍ଦ୍ରବିନ୍ଦୁ ହୋଇଛି। ବର୍ତ୍ତମାନ ୧୩୦ କୋଟି ଭାରତୀୟଙ୍କ ପାଇଁ ସମାବେଶୀ ଆର୍ôଥକ ଯୋଜନା ବାସ୍ତବରେ ପରିଣତ ହୋଇଛି। ସବୁ ଭାରତୀୟଙ୍କୁ ବିଶେଷ ଭାବରେ ଗରିବ ଓ ଅସହାୟଙ୍କୁ ସାମାଜିକ ସୁରକ୍ଷା ପ୍ରଦାନ କରିବା ସହ ଗରିବ ତଥା ମଧ୍ୟବିତ୍ତ ଶ୍ରେଣୀଙ୍କ ଜୀବନଶୈଳିକୁ ଉନ୍ନତ କରିବା ପାଇଁ ମୋଦି ସରକାର କଟିବଦ୍ଧ ବୋଲି କହିଛନ୍ତି ଶ୍ରୀ ପ୍ରଧାନ।
ଭାରତକୁ ବିକାଶ ଦିଗରେ ଅଗ୍ରସର କରାଇବାରେ ସମାବେଶୀ ଆର୍ôଥକ ଯୋଜନାର ପ୍ରମୁଖ ଭୂମିକା ରହିଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଦୂରଦୃଷ୍ଟିସମ୍ପନ୍ନ ନେତୃତ୍ୱରେ ଭାରତୀୟ ଅର୍ଥନୀତିରେ ବଡ଼ ପରିବର୍ତ୍ତନ ଆସିଛି ଏବଂ ଲୋକଙ୍କୁ ଆର୍ôଥକ ସମ୍ପନ୍ନ କରିବା ସହ ସଶକ୍ତ ମଧ୍ୟ କରିଛି। ସମାବେଶୀ ଆର୍ôଥକ ଯୋଜନା ମାଧ୍ୟମରେ ବ୍ୟାଙ୍କ୍ ନଥିବା ଲୋକଙ୍କୁ ବ୍ୟାଙ୍କିଂର ସୁବିଧା ଦେବା, ଆର୍ôଥକ ସହାୟତା ଯୋଗାଇବା ଏବଂ ସଂରକ୍ଷିତ ଏବଂ ଅସଂରକ୍ଷିତ ଅଞ୍ଚଳରେ ସେବା ପ୍ରଦାନ କରିବା, କ୍ଷମତା ଗ୍ରହଣ କରିବା ପର ଠାରୁ ପ୍ରଧାନମନ୍ତ୍ରୀ ମୋଦି ସରକାରଙ୍କ ପ୍ରାଥମିକତାରେ ରହିଛି ବୋଲି ଶ୍ରୀ ପ୍ରଧାନ ଟ୍ୱିଟ୍ କରିଛନ୍ତି।
