ମୁଖ୍ୟ ସଡକରେ ଇଣ୍ଡିଆନ ବ୍ୟାଙ୍କର ନୂତନ ପରିସରରକୁ ଉଦଘାଟନ କଲେ ବିଧାୟକ

ବୁଗୁଡା ୮/୨ (ସନ୍ଧାନ ନିଉଜ): ବୁଗୁଡା ସହରର ସରସ୍ୱତୀ ଶିଶୁ ବିଦ୍ୟା ମନ୍ଦିରର ବିପରୀତ ପାର୍ଶ୍ୱ ମୁଖ୍ୟ ସଡକ କଡରେ  ବୁଗୁଡା ଶାଖା ଇଣ୍ଡିଆନ ବ୍ୟାଙ୍କର ନୂତନ ପରିସର ପୋଲସରା ବିଧାୟକ ତଥା ଜିଲ୍ଲା ଯୋଜନା ବୋର୍ଡ଼ ଅଧ୍ୟକ୍ଷ ଶ୍ରୀକାନ୍ତ ସାହୁଙ୍କ କରକମଳରେ ଫେବୃୟାରୀ ୮ ତାରିଖ ଦିନ ଉଦଘାଟିତ ହୋଇଯାଇଛି। ଇଣ୍ଡିଆନ ବ୍ୟାଙ୍କର ନୂତନ ପରିସରର ଉଦଘାଟନ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଇଣ୍ଡିଆନ ବ୍ୟାଙ୍କର କ୍ଷେତ୍ର ମହାପ୍ରବନ୍ଧକ ବି.ସୁରୀବାବୁ ଯୋଗଦେଇଥିବା ବେଳେ ସମ୍ମାନିତ ଅତିଥି ଭାବେ ବୁଗୁଡ଼ା ବ୍ଲକ ବିଡ଼ିଓ ତନ୍ମୟ ପାତ୍ର ଓ ତହସିଲଦାର ସଂଗ୍ରାମ କେଶରୀ ଜେନା ଯୋଗଦେଇଥିବା ବେଳ ଇଣ୍ଡିଆନ ବ୍ୟାଙ୍କ ବ୍ରହ୍ମପୁର ପରିକ୍ଷେତ୍ର କ୍ଷେତ୍ରିୟ ପ୍ରବନ୍ଧକ ଗ.ଜୟା ପାଣ୍ଡିଆନ ଓ ବ୍ରହ୍ମପୁର ପରିକ୍ଷେତ୍ର ଉପ-କ୍ଷେତ୍ରିୟ ପ୍ରବନ୍ଧକ ହୃଦାନନ୍ଦ ଦାଶ ପ୍ରମୁଖ ମଞ୍ଚାସିନ ଥିଲେ। ବୁଗୁଡା ଶାଖା ଇଣ୍ଡିଆନ ବ୍ୟାଙ୍କ ଶାଖା ପ୍ରବନ୍ଧକ ସୁଧେନ୍ଦୁ ନାୟକ ସ୍ୱାଗତ ଭାଷଣ ସହ ଅତିଥି ପରିଚୟ ପ୍ରଦାନ କରିଥିବା ବେଳେ ବ୍ୟାଙ୍କର ଅନ୍ୟାନ୍ୟ କର୍ମଚାରୀ ବୃନ୍ଦ ପରିଚାଳନାରେ ସହଯୋଗ କରିଥିଲେ।