ମହିଳା ଚାଷୀଙ୍କ ପ୍ରଗତି ପାଇଁ ସମନ୍ଵୟ ବୈଠକ

ମୟୂରଭଞ୍ଜ/ଠାକୁରମୁଣ୍ଡା ୧୦/୦୯ (ସନ୍ଧାନ ନିୟୁଜ) ମୟୂରଭଞ୍ଜ ଜିଲ୍ଲା ଠାକୁରମୁଣ୍ଡା ବ୍ଲକର  ମହୁଲଡିହା ପଞ୍ଚାୟତର ଜାମୁନାଳିଆ ଗ୍ରାମରେ ଚାଷୀ,ସରକାରୀ ବିଭାଗୀୟ ଅଧିକାରୀ, ବେପାରୀ ଓ ବିହନ କମ୍ପାନୀର ଏକ ଆଲୋଚନା ଚକ୍ର ହୋଇଯାଇଛି।ଏକଶହରୁ ଉର୍ଦ୍ଧ୍ବ ମହିଳା ଚାଷୀ କାର୍ଯ୍ୟକ୍ରମରେ ଭାଗ ନେଇଥିଲେ। CYSD କର୍ମୀ ଗୋବିନ୍ଦ ବେହେରା ସଭାକୁ ସଭାପତିତ୍ଵ କରିଥିଲେ।ପ୍ରଦାନ କର୍ମୀ ସୁଚିତ ସାମନ୍ତରାୟ ସଭାର ମୁଖ୍ୟ ଉଦ୍ଦେଶ୍ୟ ଓ ଲକ୍ଷ ଉପରେ ଆଲୋକପାତ କରିଥିଲେ। ଚାଷୀଙ୍କ ନିମନ୍ତେ ଥିବା ସରକାରୀ ସହାୟତା, ବିହନ ଓ ଫସଲ ଉତ୍ପାଦନରେ ସଠିକ୍ ପରିଚାଳନା, ରୋଗ ପୋକ ଦମନ,ଚାଷ ପୂର୍ବରୁ ମାଟି ପରୀକ୍ଷା କରାଇ ବିହନ ବୁଣା , ବିହନ କମ୍ପାନୀ ଓ ବେପାରୀଙ୍କ ମଧ୍ୟରେ ସଠିକ୍ ସମନ୍ଵୟ ରଖିବା ଦିଗରେ ସୁଦୀର୍ଘ  ଆଲୋଚନା ହୋଇଥିଲା।ଏପରିକି ବିଭିନ୍ନ ଫୁଲ ଫଳ ଓ ପାମୋଲିନ ଚାଷ ନିମନ୍ତେ ଥିବା ସରକାରୀ ସବ୍ସିଡି କଥା ମଧ୍ୟ ଚାଷୀମାନଙ୍କୁ ବୁଝା ଯାଇଥିଲା।ସଠିକ୍ ପ୍ରଶିକ୍ଷଣ ନେଇ ସଠିକ୍ ରୂପେ ଚାଷ କଲେ ଲାଭ ମିଳିପାରିବ ବୋଲି ଆଲୋଚନା ହୋଇଥିଲା।କାର୍ଯ୍ୟକ୍ରମ WHH ଓ ପ୍ରଦାନ ପକ୍ଷରୁ ହୋଇଥିବା ବେଳେ,କୃଷି ବିଭାଗ ଅଧିକାରୀ ଶ୍ରୀ ବିଶ୍ବଭୂଷଣ ନାୟକ,ଉଦ୍ୟାନ ବିଭାଗ ଅଧିକାରୀ ଶ୍ରୀଯୁକ୍ତ ସୁଜନ ନରେନ୍ଦ୍ର,ମୃଗାଶୁଣି କମ୍ପାନୀର ସମସ୍ତ ସଦସ୍ୟ,ବାପନା ବିହନ କମ୍ପାନୀର କର୍ମୀ ପ୍ରମୋଦ ବାଗଲ ଓ ରୋହିତ ତିୱାରୀ,ପ୍ରଡ୍ୟୁସର ଗ୍ରୁପର ମହିଳା ଚାଷୀ ଓ AE କର୍ମୀ ଉପସ୍ଥିତି ଥିଲେ । ପୂର୍ବ ଅପେକ୍ଷା ଚଳିତ ଥର ଚାଷରେ ଉନ୍ନତ ଆସିବ ବୋଲି ମହିଳା ଚାଷୀମାନେ କାର୍ଯ୍ୟକ୍ରମରେ ଯୋଗ ଦେଇ ମତବ୍ୟକ୍ତ କରିଥିଲେ।APC ବ୍ଲକ ପ୍ରକଳ୍ପ ପରିଚାଳିକା  ଟ୍ୱୀଙ୍କଲ ବିଶ୍ଵାଳ ସମସ୍ତଙ୍କୁ ଧନ୍ୟବାଦ ଦେଇ ସଭା ଶେଷ କରିଥିଲେ।