ପକ୍ଷୀ ଶିକାର କରିବା ଅଭିଯୋଗରେ ୩ ଅଭିଯୁକ୍ତଙ୍କୁ ଗିରଫ

ଯାଜପୁର ସଦର ୦୫ ।୧୨, ଯାଜପୁର ଜିଲ୍ଲା ରସୁଲପୁର ବ୍ଲକ ଅନ୍ତର୍ଗତ ବ୍ରହ୍ମବରଦା ଥାନା ପୋଲିସ ପକ୍ଷରୁ ବେଆଇନ ଭାବେ ପକ୍ଷୀ ଶିକାର କରୁଥିବା  ଘଟଣାକୁ ନେଇ ବ୍ରହ୍ମବରଦା ପୋଲିସ ୩ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣକରିଚି । ଏଠାରେ ସୂଚନା ଯୋଗ୍ୟ ଯେ, ବିଭିନ୍ନ ପ୍ରକାରର ପକ୍ଷୀମାନଙ୍କୁ ଶିକାର କରି ନେଇଯାଉଥିବା ବେଳେଲୋକମାନେ ଶିକାରିକୁ ଧରିଥିଲେ । ଯାହାକୁ ନେଇ ବ୍ରହ୍ମବରଦା ଥାନାକୁ ଖବର ଦିଆଯାଇଥିଲା । ବୈରୀ ବନ ବିଭାଗ ପକ୍ଷରୁ କୋର୍ଟ ଚାଲାଣ କରାଯାଇଚି । ଏମାନେ ହେଲେ ଯାଜପୁରରୋଡ଼ କଳିଙ୍ଗନଗର ଥାନା ନିକଟସ୍ଥ ରାବଣି ଗ୍ରାମର ରଘୁବିର ପ୍ରଧାନ(୨୨), ଦିପୁ ପ୍ରଧାନ(୧୯),ରାଜକୁମାର ପ୍ରଧାନ(୨୦) । ଏଠାରେ ସୂଚନା ଯୋଗ୍ୟ ଯେ, ଏହି ଥାନା ନିକଟସ୍ଥ ମଙ୍ଗରଜାପୁର ପଂଚାୟତ ବରି ଭାନୁପୁର ଗ୍ରାମର ଏକ ତୋଟାରୁ ୩  ଯୁବକ ପକ୍ଷୀ ଶିକାର କରିବାକୁ ଆସିଥିଲେ । ପକ୍ଷୀ ମାନଙ୍କ ମଧ୍ୟରେ ପାରା, ବଗ, ମାଛରଙ୍କା ଏହି ପକ୍ଷୀ ଶିକାର କରୁଥିବା ବେଲେ, ଗ୍ରାମବାସୀଙ୍କ ହାତରେ ଧରା ପଡ଼ିଥିଲେ ଗ୍ରାମବାସୀ ମାନେ ସେମାନଙ୍କୁ ଧରି ବ୍ରହ୍ମବରଦା ପୋଲିସକୁ ଖବର ଦେଇଥିଲେ । ପୋଲିସ ସମ୍ପୃକ୍ତ ପକ୍ଷୀ ଶିକାରୀ ମାନଙ୍କୁ ଥାନାକୁ ଆଣି ପଚାରା ଉଚରା କରିବା ସହିତ ବୈରୀ ବନବିଭାଗକୁ ଏସମ୍ପର୍କରେ ଜଣାଇଥିଲେ । ଏସସିଏଫ ରବି ମହାନ୍ତି, ସୁରିତାନନ୍ଦ ସୁବୁଦ୍ଧି, କୃଷ୍ଣଚନ୍ର ଟୁଡୁ ଥାନାରେ ପହଂଚି ଏହାର ତଦନ୍ତ କରିବା ସହିତ ଅଭିଯୁକ୍ତ ମାନଙ୍କୁ ଗିରଫ କରିଥିଲେ । ଏନେଇ କେସ ନଂ ୧୧୭/୨୫ ରେ ମାମଲା ରୁଜୁ କରାଯାଇଚି ।