ଜୁଆ ଆଡ୍ଡା ଉପରେ ଶୁଳିଆପଦା ପୁଲିସର ଚଢ଼ାଉ

ଶୁଳିଆପଦା, ୨୯.୦୧.୨୦୨୧(ସନ୍ଧାନ ନିଉଜ୍/ ଲିଙ୍ଗରାଜ ପଣ୍ଡା):-ଶୁଳିଆପଦା  ଥାନା ଅଂଚଳରେ ବିଭିନ୍ନ ସ୍ଥାନରେ ଜୁଆ ଖେଳ ଚାଲିଥିବା ଅଭିଯୋଗ ଆସୁଥିବା ବେଳେ ଆଜି ଏକ ଜୁଆ ଆଡ୍ଡା ଉପରେ ଶୁଳିଆପଦା ପୁଲିସ ବିଶେଷ ସୂତ୍ରରୁ ଖବର ପାଇ ଚଢ଼ାଉ କରିଥିଲା । ଖବର ନେବାରୁ ଜଣାପଡିଛି ଯେ ଶୁଳିଆପଦା ଥାନା ଅଧିକାରିଣୀ ମିନି ଭୋଇ ଉକ୍ତ ଜୁଆ ଆଡା ଉପରେ ଚଢ଼ାଉ କରିବାକୁ ନିର୍ଦ୍ଦେଶ ଦେଇଥିଲେ । କୋଷ୍ଠା ପଞ୍ଚାୟତର ଜାନକୀ ସାହି ନିକଟସ୍ଥ ଖେଳପଡ଼ିଆରେ ଫୁଟବଲ ଖେଳ ପ୍ରତିଯୋଗିତା ଚାଲିଥିବାରୁ ଶହ ଶହ ଲୋକଙ୍କ ସମାଗମ ହୋଇଥିଲା । ଠିକ ସମୟରେ ପୁଲିସ ଯାଇ ସେଠାରେ ଚଢ଼ାଉ କରିବା ସମୟରେ ପୁଲିସକୁ ଦେଖୁ ଜୁଆ ଖେଳୁଥିବା ଲୋକେ ଖେଳ ସ୍ଥାନରୁ ତାଙ୍କର ପଶା ପାଲି ଓ ଛଅଟି ବାଇକ ଛାଡ଼ି ଦୌଡ଼ି ପଳାଇ ଯାଇଥିଲେ । ପୁଲିସ ଉକ୍ତ ପଶା ପାଲି ଓ ବାଇକକୁ ଜବତ କରି ଅନୁସନ୍ଧାନ ଜାରି ରଖୁଛି । ଏ ନେଇ ଶୁଳିଆପଦା ଥାନାରେ ଏକ ମାମଲା ୧୬/୨୧ ନମ୍ବରରେ ଦାଏର ହୋଇଛି । ଏହି ଚଢ଼ାଉରେ ଏଏସଆଇ ଏସଏନ ବାରିକ, ଏସଏନ ବିଶ୍ୱାଳ, ହାବିଲଦାର ଦୀପ୍ତାଶୁ ଦାସ, କନେଷ୍ଟବଳ ଡିମା ମଣି ସିଂ, ଗଜେନ୍ଦ୍ର ମହାନ୍ତ ପ୍ରମୁଖ ସାମିଲ ଥିଲେ।