ଚିକିତ୍ସା ଅବହେଳାରୁ ଚାଲିଗଲା ଜୀବନ।

କଟକ, ୧୬/୦୯/୨୦ (ସନ୍ଧାନ ନିଉଜ) : ବାଖରାବାଦ ଅଞ୍ଚଳର ରାଜେଶ ବାରିକ ନାମକ ଜଣେ ବ୍ୟକ୍ତିଙ୍କୁ ଶ୍ୱାସ, ଥଣ୍ଡା,ଜ୍ୱର ଓ କାଶରେ ପୀଡିତ ହୋଇଥିଲେ। ସିଟି ମେଡିକାଲ୍ ଓ ପରେ ଏସିବିକୁ ସ୍ଥାନାନ୍ତର କରାଯାଇଥିଲା। ଆଉ ସେଠାରୁ ଉନ୍ନତମାନର ଚିକିତ୍ସା ନ ପାଇବାରୁ ଷ୍ଟାର୍ ହସ୍ପିଟାଲରେ ଗତ ୩ ଦିନ ତଳେ ଭର୍ତ୍ତି କରିଥିଲେ ପରିବାର ଲୋକେ। ହେଲେ କୋଭିଡ୍ ଟେଷ୍ଟ୍ କରିବା ନିୟମ ଥିବାବେଳେ ରାଜେଶଙ୍କ ପରିବାର ଉଭୟ ସରକାରୀ ଓ ବେସରକାରୀ ରେ କୋଭିଡ୍ ଟେଷ୍ଟ୍ କରାଇଥିଲେ ଏବଂ ରିପୋର୍ଟ ନେଗେଟିଭ୍ ଆସିଥିବା ପରିବାର ଲୋକଙ୍କୁ ସୂଚନା ଦେଇଥିଲେ ହସ୍ପିଟାଲ କର୍ତ୍ତୁପକ୍ଷ। ରୋଗୀଙ୍କୁ ତୁରନ୍ତ ଏସସିବି ମେଡିକାଲ୍ କୁ ଆଇସିୟୁରେ ନେବା ପାଇଁ କହିଥିଲେ। ମାତ୍ର ହସ୍ପିଟାଲରେ ଆଇସିୟୁ ଥିବାବେଳେ କର୍ତ୍ତୁପକ୍ଷ ନ ଥିବା ପରିବାର ଲୋକଙ୍କୁ ସିଧାସଳଖ ମନା କରିଦେଲେ। ଯାହା ଫଳରେ ହସ୍ପିଟାଲ କର୍ତ୍ତୁପକ୍ଷ ଙ୍କ ଦାୟିତ୍ୱହୀନତା ପାଇଁ ଚାଲିଗଲା ରାଜେଶଙ୍କ ଜୀବନ। ଆଜି ସକାଳେ ତାଙ୍କର ମୃତ୍ୟୁ ଘଟିଲା। ରାଜେଶଙ୍କ ମୃତ୍ୟୁକୁ ନେଇ ହସ୍ପିଟାଲରେ ଉତ୍ତେଜନା ପରିସ୍ଥିତି ସୃଷ୍ଟି ହେବାରୁ ମାଲଗୋଦାମ ଥାନା ପୋଲିସ୍ ପହଞ୍ଚି ଅନୁସନ୍ଧାନ ଜାରି ରଖିଥିଲେ।