ଚାଷୀଙ୍କ ବିଭିନ୍ନ ସମସ୍ୟାକୁ ନେଇ ଜିଲ୍ଲାପାଳଙ୍କ କାର୍ଯ୍ୟାଳୟ ଆଗରେ ଧାରଣା

ବରଗଡ, 30.01.2021 (ସନ୍ଧାନ ନିଉଜ୍):–  ବରଗଡ଼ ଜିଲ୍ଲାରେ ଚାଷୀଙ୍କ ବିଭିନ୍ନ ସମସ୍ୟାକୁ ନେଇ ଜିଲ୍ଲାପାଳଙ୍କ କାର୍ଯ୍ୟାଳୟ ଆଗରେ ଧାରଣା ଦେଲା ବିଜେପି । ଜିଲ୍ଲାପାଳ ଓ ଜିଲ୍ଲା ଯୋଗାଣ ବିଭାଗ କାର୍ଯ୍ୟାଳୟ ସମ୍ମୁଖରେ ବିଜେପି ପକ୍ଷରୁ ଜିଲ୍ଲା ସଭାପତି ଅଶ୍ବିନୀ ଷଡ଼ଙ୍ଗୀଙ୍କ ନେତୃତ୍ବରେ ଗଣଧାରଣା ସହିତ ଘେରାଉ କରାଯାଇଛି । ମଣ୍ଡିରେ ପଡିରହିଥିବା ସମସ୍ତ ଧାନକୁ ଉଠାଇବା, କଟନୀ ଛଟନୀକୁ ବନ୍ଦ କରିବା, DLPCକୁ ସମ୍ପୂର୍ଣ୍ଣ କାର୍ଯ୍ୟକ୍ଷମ କରିବା, ଚାଷୀର ସମସ୍ତ ଅମଳ ଧାନକୁ ସରକାର କିଣିବା, ମଣ୍ଡିକୁ ସୁବ୍ୟବସ୍ଥିତ ଓ ସୁପରିଚାଳନା କରିବା, ମଣ୍ଡିଗୁଡିକରେ ମିଲର୍ସମାନଙ୍କ ଦୋରାତ୍ମ୍ୟ ବନ୍ଦ କରିବା, ବାତିଲ ଟୋକନକୁ ପୁନଃ କାର୍ଯ୍ୟକ୍ଷମ କରିବା ଏବଂ ରାଜ୍ୟର ସମସ୍ତ କୃଷକମାନଙ୍କୁ  ପ୍ରଧାନମନ୍ତ୍ରୀ କୃଷକ ସମ୍ମାନ ନିଧିରେ ସାମିଲ କରିବା ପରି ୮ଟି ଦାବିକୁ ନେଇ ଧାରଣା ଦେଇଛି ବିଜେପି ।