ସୁନ୍ଦରଗଡ : ୨୮/୦୭/୨୦୧୧ (ସନ୍ଧାନ ନିଉଜ /ରାଜୁ ପଟେଲ ) କରମଡିହିରୁ ଛତିଶଗଡ କୁ ସଂଯୋଗ କରୁଥିବା ରାଜ୍ୟ ରାଜପଥ ର ଶୋଚନୀୟ ସ୍ଥିତି ବିଷୟରେ ଗତ କିଛିଦିନ ପୂର୍ବେ ସବଡେ଼ଗା ବ୍ଲକ କଂଗ୍ରେସ ସଭାପତି ଶ୍ରୀଯୁକ୍ତ ଶୁଭେନ୍ଦୁ କୁମାର ନାଏକଙ୍କ ନେତୃତ୍ୟରେ ଏକ ଦଳ (ଶ୍ରୀଯୁକ୍ତ ନାଜିର ହୁସେନ,ହେର୍ମାନ ବାର୍ଲ୍ଲା,ଧନେଶ୍ୱର ସାଗର ଏବଂ ପାତ୍ରାସ ତିର୍କି) ନିର୍ବାହି ଯନ୍ତ୍ରୀ ଓ ଗୃହ ନିର୍ମାଣ ବିଭାଗକୁ ଏକ ଦାବି ପତ୍ର ପ୍ରଦାନ କରିଥିଲେ I ଏହି ଖବର ସମ୍ବାଦ ପତ୍ରରେ ୧୭ ଜୁଲାଇ ରେ ପ୍ରକାଶ ମଧ୍ୟ କରାଯାଇଥିଲା I ଦୀର୍ଘ ୧୨ ଦିନ ବିତିଯାଇଥିଲେ ସୁଦ୍ଧା ଏବେ ଯାଏଁ ନିର୍ବାହି ଯନ୍ତ୍ରୀ ଓ ଗୃହ ନିର୍ମାଣ ବିଭାଗରୁ କିଛି ପଦକ୍ଷେପ ନିଆଯାଇନାହିଁ I ବିଶେଷକରି ସବଡେ଼ଗା ବସଟାଣ୍ଡରୁ ଗାଇବିରା ଛକ ପର୍ଯ୍ୟନ୍ତ ରାସ୍ତା କଥା କହିଲେ ନସରେ I ରାସ୍ତା ସାରା ଜାଗେ ଜାଗେ ବଡ ବଡ ଖାଲ ହୋଇଯାଇଛି I ଏଥିପାଇଁ ଲୋକ ମାନଙ୍କୁ ନାହିଁ ନଥିବା ଅସୁବିଧାର ସମ୍ମୁଖିନ ହେବାକୁ ପଡୁଛି I ରାସ୍ତାରେ ଥିବା ବଡ ବଡ ଖାଲ ଯୋଗୁଁ ବହୁ ସମୟରେ ଲୋକମାନେ ଦୁର୍ଘଟଣାର ଶିକାର ହେବା ଦେଖିବାକୁ ମିଳୁଛି I
ଏହିରାସ୍ତା ପଡୋଶୀ ରାଜ୍ୟ ଛତିଶଗଡ,ଝାରଖଣ୍ଡ କୁ ସଂଯୋଗ କରୁଥିବା ହେତୁ ପ୍ରତିଦିନ ବଡ ବଡ ଭାରିଜାନ ଏହି ରାସ୍ତା ଦେଇ ଗତି କରୁଥିବାରୁ ଦିନକୁ ଦିନ ରାସ୍ତାର ଅବସ୍ଥା ଆହୁରି ଶୋଚନୀୟ ହେବାରେ ଲାଗିଛି I ସବଡେ଼ଗା ଆଖ ପାଖର ସମସ୍ତ ଗ୍ରାମର ଲୋକେ ଚିକିସ୍ୟା ପାଇଁ ତଥା ବିଦ୍ୟାଳୟ ମହାବିଦ୍ୟାଳୟ ତଥା କେନ୍ଦ୍ରୀୟ ବିଦ୍ୟାଳୟ ଏଠାରେ ଥିବା ହେତୁ ବହୁମାତ୍ରାରେ ବିଦ୍ୟାର୍ଥୀ ସବଡେ଼ଗା ଉପରେ ନିର୍ଭର କରିଥାନ୍ତି , ସାପ୍ତାହିକ ହାଟ ଏବଂ ନିଜର ଦୈନଦିନ ଜିନିଷ ପାଇଁ ମଧ୍ୟ ଆଖପାଖ ଗ୍ରାମର ଲୋକେ ସବଡେ଼ଗା ଉପରେ ନିର୍ଭର କରିଥାନ୍ତି I ରାସ୍ତା ଦୁଇ ପାର୍ଶ୍ୱରେ ଥିବା ନାଳ, ଅଳିଆ ଆବର୍ଜନାରେ ଭର୍ତି ହୋଇଯାଇଥିବା ହେତୁ ନାଳର ସମସ୍ତ ପାଣି ରାସ୍ତା ଉପରେ ଜମା ରହୁଛି I ଯଥାଶୀଘ୍ର ଏଥିପ୍ରତି କୌଣସି ପଦକ୍ଷେପ ନନେଲେ ଆଗାମୀ ଦିନରେ ସବଡେ଼ଗା ର ବ୍ଲକ କଂଗ୍ରେସ ସଭାପତି ଶ୍ରୀଯୁକ୍ତ ଶୁଭେନ୍ଦୁ କୁମାର ନାଏକ,ତାଙ୍କ କର୍ମୀ ତଥା ଗ୍ରାମବାସୀ ମିଶି ରାସ୍ତା ଅବରୋଧ କରିବେ ବୋଲି ନିର୍ବାହି ଯନ୍ତ୍ରୀ ଓ ଗୃହ ନିର୍ମାଣ ବିଭାଗକୁ ଚେତାବନୀ ଦେଇଛନ୍ତି I
