ଶନିବାର ସାମ୍ବାଦିକ ସମ୍ମିଳନୀରେ ଶ୍ରୀ ସିଂହ କହିଛନ୍ତି ଏପ୍ରିଲ ୨୪ରୁ ପୋର୍ଟାଲ କାର୍ଯ୍ୟକ୍ଷମ ହୋଇସାରିଛି। ଓଡ଼ିଶା ବାହାରେ ଯେଉଁ ଓଡ଼ିଆ ଭାଇ-ଭଉଣୀମାନେ ଅଛନ୍ତି ଓ ସେମାନେ କେମିତି ଫେରିବେ ସେଥିପାଇଁ ରାଜ୍ୟ ସରକାର ବ୍ୟାପକ ଯୋଜନା କରିଛନ୍ତି। ସରକାର ପ୍ରଥମେ ସେମାନଙ୍କ ସମସ୍ୟା ଉପରେ ଅବଗତ ହେବାକୁ ଚାହୁଁଛନ୍ତି। ବାହାର ରାଜ୍ୟରେ ଥିବା ଓଡ଼ିଆ ଭାଇ ଓ ଭଉଣୀମାନଙ୍କୁ ପ୍ରଥମେ ନାମ ପଞ୍ଜିକରଣ କରିବାକୁ ପଡ଼ିବ। ଏଥିପାଇଁ ଆଧାର ନମ୍ବର ଓ ମୋବାଇଲ ଫୋନ ନମ୍ବର ଦେବା ଜରୁରୀ। ସେହିଭଳି ପଞ୍ଜିକରଣ ପାଇଁ ଫର୍ମରେ ବ୍ୟକ୍ତିଗତ ବିବରଣୀ- ନାମ, ବୟସ, ଲିଙ୍ଗ, ମୋବାଇଲ ଓ ଆଧାର ନମ୍ବର ଦେବେ। ଓଡ଼ିଶାରେ ନିଜ ଘରର ଠିକଣା- ଗାଁ ବା ସହର, ପ୍ଲଟ ନମ୍ବର/ଘର ନମ୍ବର, ପଞ୍ଚାୟତ, ପୋଷ୍ଟ ଅଫିସ, ବ୍ଲକ, ଜିଲ୍ଲାର ନାମ ଲେଖିବାକୁ ପଡିବ। ଯୋଗାଯୋଗ ନିମନ୍ତେ ନିଜ ସଂପର୍କୀୟଙ୍କ ନାମ- ସଂପୃକ୍ତ ବ୍ୟକ୍ତି ଓଡ଼ିଶାର ହୋଇଥବା ଦରକାର। ତାଙ୍କର ପରିଚୟ ଓ ମୋବାଇଲ ନମ୍ବର। ପୋର୍ଟାଲକୁ ଯାଇ ଜଣେ ବ୍ୟକ୍ତି ନିଜେ କିମ୍ବା ସଂପର୍କୀୟ ଏହି ଫର୍ମ ପୂରଣ କରିପାରିବେ।