ଗ୍ରାମ୍ୟ ବ୍ୟାଙ୍କ୍ ନୂତନ ଶାଖା ପରିଚାଳକଙ୍କୁ ସ୍ୱାଗତ ସମ୍ବର୍ଦ୍ଧନା

ଜେନାପୁର,(ସନ୍ଧାନ ନିୟୁଜ୍) ୧୩/୧୨/ଓଡିଶା ଗ୍ରାମ୍ୟ ବ୍ୟାଙ୍କ୍ ଚଣ୍ତିଖୋଲ ଆଞ୍ଚଳିକ କାର୍ଯ୍ୟାଳୟ ଅଧିନରେ ଥିବା ଜେନାପୁର ଶାଖାରେ ନୂତନ ଶାଖା ପରିଚାଳକ ଭାବେ ବିଶ୍ୱଜିତ୍ ନାୟକ କାର୍ଯ୍ୟରେ ଯୋଗଦେଲେ । ସେ ପୂର୍ବରୁ ୪ ବର୍ଷରୁ ଉର୍ଦ୍ଧ୍ବ ଓଜିବି କୋରେଇ ଶାଖାରେ କାର୍ଯ୍ୟରତ ଥିଲେ । ଜେନାପୁର ଶାଖା ତରଫରୁ ଶ୍ରୀ ନାୟକଙ୍କୁ ପୁଷ୍ପଗୁଚ୍ଛ ଓ ଉତ୍ତରୀୟ ଦେଇ ଭବ୍ୟସ୍ୱାଗତ୍ ଓ ସମ୍ବର୍ଦ୍ଧନା କରାଯାଇଛି । ପୂର୍ବରୁ ଜେନାପୁର ଶାଖାରେ ଶାଖାପରିଚାଳିକା ଭାବେ ପ୍ରାଚୀ ପ୍ରଜ୍ଞା ପିଙ୍ଗ୍ ଙ୍କ ସ୍ଥାନରେ ଯୋଗଦେଇଛନ୍ତି । ସେ କୋରେଇ ଶାଖାରେ ଗ୍ରାହକମାନଙ୍କୁ ଉତ୍ତମ ସେବା ଦେଇ ବେଶ୍ ପ୍ରଶଂସାର ପାତ୍ର ହୋଇପାରିଥିଲେ । ସେ ଜଣେ ଉତ୍ତମ ମଣିଷ ଓ ମେଳାପି ଭାବେ ଶାଖାର ସମସ୍ତ କର୍ମଚାରୀଙ୍କୁ ସଂପର୍କ ଡୋରରେ ବାନ୍ଧି ରଖିଥିଲେ । ଜେନାପୁର ଶାଖରେ ପ୍ରଥମ ଦିନରେ ସମସ୍ତ କର୍ମଚାରୀ ଓ ଗ୍ରାହକମାନଙ୍କୁ ସ୍ୱାଗତ ଓ ଶୁଭେଚ୍ଛା ଜଣାଇଥିଲେ । ଏହି କାର୍ଯ୍ୟକ୍ରମରେ ଅତିରିକ୍ତ ଶାଖା ପରିଚାଳକ ସାଗର ମହାରଣା,କୋଷାଧ୍ଯକ୍ଷ ସୌରଭ ମଣ୍ତଳ,ବିଚିତ୍ର କୁମାର ଭଦ୍ର,ନିଷ୍କାନ୍ତ ଖଟୁଆ,ମାନସ ରଞ୍ଜନ ପ୍ରଧାନ,ପ୍ରତିମା କବି ପ୍ରମୁଖ ଉପସ୍ଥିତ ଥିଲେ ।