ସବଡେଗା ଓ ବାଲିସଙ୍କରା ବ୍ଲକର ଗ୍ରାମୀଣ ଜଳଯୋଗାଣ କର୍ମଚାରୀଙ୍କ ପକ୍ଷରୁ ବେତନ ବୃଦ୍ଧିରେ ବିଧାୟକଙ୍କୁ ଦାବିପତ୍ର ପ୍ରଦାନ

ସୁନ୍ଦରଗଡ ତା:୬/୧୧/୨୧( ସନ୍ଧାନ ନିଉଜ/ରାଜୁ ପଟେଲ ) ବ୍ଲକର ଜଳଯୋଗାଣ କର୍ମଚାରୀ ସ୍ୱଳ୍ପ ବେତନରେ ଟାଣ ଖରାରେ କାର୍ଯ୍ୟ ତୁଲାଇ ଆସୁଛନ୍ତି । ତେଣୁ ତାଙ୍କ ବେତନ ବୃଦ୍ଧି ସହିତ ତାଙ୍କ ଚାକିରୁକୁ ସ୍ଥାୟୀ ସ୍ୱୀକୃତି ଦେବା ଉଦେଶ୍ୟରେ ତଲସରା ବିଧାୟକ ଶ୍ରୀଯୁକ୍ତ ଭବାନୀ ଶଙ୍କର ଭୋଇ ଙ୍କୁ ଏକ ଦାବି ପତ୍ର ପ୍ରଦାନ କରିଛନ୍ତି ।ସୂଚନା ଅନୁସାରେ ଏହାକୁ ବିଧାନସଭାରେ ଉପସ୍ଥାପନ କରିବାକୁ ଅନୁରୋଧ କରାଯାଇଛି।
ସବଡେଗା ବ୍ଲକରେ ଛବିଶ ଓ ବାଲିସଙ୍କରା ବ୍ଲକ ଛତିଶ ଜଣ କର୍ମଚାରୀ ଦୀର୍ଘ ଆଠ ବର୍ଷ ହେବ ୨ହଜାର ଟଙ୍କାରେ କାର୍ଯ୍ୟକରି ଆସୁଥିବାବେଳେ ଏବେ ତାହା ପରିବାର ପ୍ରତିପୋଷଣ କରିବାରେ ଅତ୍ୟଧିକ କଷ୍ଟସାଧ୍ୟ ହୋଇପଡ଼ିଛି । କରୋନାର ସମୟରୁ ପ୍ରତ୍ୟେକ ଜିନିଷର ଦରଦାମ ବୃଦ୍ଧି ଜନସଧାରଣଙ୍କ ପାଇଁ ମୁଣ୍ଡବ୍ୟଥାର କାରଣ ପାଲଟିଛି । ଦରଦାମ ବୃଦ୍ଧି କାରଣରୁ ଦୁଇ ହଜାର ଟଙ୍କାରେ ପରିବାର ପ୍ରତିପୋଷଣ ହେଉ ନ ଥିବାରୁ କର୍ମୀଙ୍କ ମହଲରେ ଚିନ୍ତାର ବିଷୟ ପାଲଟିଛି । ଏହାର ଶୀଘ୍ର ପ୍ରତିକାର କରା ନ ଗଲେ ସଂଘ ରାଜରାସ୍ତାକୁ ଓଲ୍ହାଇବା ସହିତ ଜଳ ଯୋଗାଣ ବନ୍ଦ କରାଯିବ । ଏହାର ଉତ୍ତରଦାୟୀ ସରକାର ରହିବେ ବୋଲି ସଂଘ ତରଫରୁ କୁହାଯାଇଛି ।