ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂ କରୋନା ଆକ୍ରାନ୍ତ – ଦିଲ୍ଲୀ AIIMS ରେ ଭର୍ତ୍ତି

ନୂଆ ଦିଲ୍ଲୀ, ୧୯/୦୪/୨୧ (ସନ୍ଧାନ ନିଉଜ) : ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂ ସୋମବାର କରୋନାଭାଇରସ୍ (କୋଭିଡ୍ -୧୯) ଆକ୍ରାନ୍ତ ହୋଇଛନ୍ତି। ମନମୋହନ ସିଂଙ୍କୁ ଚିକିତ୍ସା ପାଇଁ ଦିଲ୍ଲୀର AIIMS ରେ ଭର୍ତ୍ତି କରାଯାଇଛି। ସୋମବାର ଅପରାହ୍ନ ୫ ଟାରେ ତାଙ୍କୁ AIIMS ରେ ଭର୍ତ୍ତି କରାଯାଇଥିଲା। ପୂର୍ବତନ ପ୍ରଧାନମନ୍ତ୍ରୀଙ୍କୁ ବର୍ତ୍ତମାନ ଏକ ବିଶେଷଜ୍ଞ ଦଳ ନଜର ରଖିଛନ୍ତି। ସୋମବାର ଦିନ ମନମୋହନ ସିଂଙ୍କ ସ୍ୱାସ୍ଥ୍ୟ ଅବସ୍ଥା ବିଗିଡି ଯାଇଥିଲା ଯେହେତୁ କୋଭିଡ ଲକ୍ଷଣ ଦେଖା ଦେଇଥିଲା, ପରେ ତାଙ୍କୁ ଚିକିତ୍ସା ପାଇଁ ଅଲ ଇଣ୍ଡିଆ ମେଡିକାଲ ଇନଷ୍ଟିଚ୍ୟୁଟରେ ଭର୍ତ୍ତି କରାଯାଇଥିଲା। କରୋନା ସଂକ୍ରମିତ ହେବା ପରେ ପୂର୍ବତନ ପ୍ରଧାନମନ୍ତ୍ରୀଙ୍କୁ ଦିଲ୍ଲୀ AIIMS ର ଟ୍ରମା ସେଣ୍ଟରରେ ଭର୍ତ୍ତି କରାଯାଇଛି।