ନୂଆଦିଲ୍ଲୀ,୧୬/୦୨/୨୧ (ସନ୍ଧାନ ନିଉଜ) : କଙ୍ଗୋ ନଦୀରେ ଏକ ଦୁଖଦ ବୋଟ୍ ଦୁର୍ଘଟଣା ଘଟିଛି। ଏହି ଦୁର୍ଘଟଣାରେ ୬୦ ରୁ ଅଧିକ ଲୋକଙ୍କର ମୃତ୍ୟୁ ହୋଇଥିବାବେଳେ ୧୦୦ ରୁ ଅଧିକ ଲୋକ ନିଖୋଜ ଥିବା ଜଣାଯାଇଛି। ଅଧିକାରୀଙ୍କ କହିବାନୁସାରେ, ଏହି ବୋଟ୍ ରେ ପ୍ରାୟ ୭୦୦ ଲୋକ ଥିଲେ।
ସରକାରୀ କର୍ମଚାରୀମାନେ ବୋଟ୍ ବୁଡିବା ବିଷୟରେ ସୂଚନା ଦେଇଛନ୍ତ। ପଶ୍ଚିମ ଡେମୋକ୍ରାଟିକ୍ ରିପବ୍ଲିକ୍ ଅଫ୍ କଙ୍ଗୋରେ ଏହି ଘଟଣା ଘଟିଛି। ଏହି ଜାହାଜରେ ପ୍ରାୟ ୭୦୦ ଲୋକ ଥିଲେ ବୋଲି ସରକାରୀ ମନ୍ତ୍ରୀ ଷ୍ଟିଭ ମାବିକାଇ କହିଛନ୍ତି।
ମନ୍ତ୍ରୀଙ୍କ କହିବାନୁସାରେ, ଏହି ଘଟଣା ପରେ ଉଦ୍ଧାରକାରୀ ଦଳ ଉଦ୍ଧାର କାର୍ଯ୍ୟ ରେ ଲୋକଙ୍କୁ ନିରାପଦରେ ବାହାରକୁ ଆଣିବାରେ ବ୍ୟସ୍ତ ଅଛନ୍ତି।
ମନ୍ତ୍ରୀ କହିଛନ୍ତି ଯେ ଏହି ଘଟଣାରେ ଉଦ୍ଧାରକାରୀ ଦଳର କର୍ମଚାରୀଙ୍କ ଦ୍ଵାରା ୬୦ ଜଣଙ୍କ ମୃତଦେହ ଉଦ୍ଧାର କରାଯାଇଥିବାବେଳେ ଏପର୍ଯ୍ୟନ୍ତ ୩୦୦ ଲୋକଙ୍କୁ ନଦୀରୁ ସୁରକ୍ଷିତ ସ୍ଥାନରୁ ବାହାର କରାଯାଇଛି। ସେମାନେ କହିଛନ୍ତି ଯେ ଡଙ୍ଗା ରାଜଧାନୀ କିନ୍ସାସା ଛାଡି ଇକ୍ୟୁଏଟର ଅଭିମୁଖେ ଯାଉଥିଲା।
ଡଙ୍ଗା ଦୁର୍ଘଟଣା ସମ୍ପର୍କରେ ମନ୍ତ୍ରୀ କହିଛନ୍ତି, “ଡଙ୍ଗା ବୁଡ଼ିଯିବାର ମୁଖ୍ୟ କାରଣ ହେଉଛି ଭାରସାମ୍ୟ।” ସେ କହିଛନ୍ତି ଯେ, ୱାଲ୍ ଡଙ୍ଗାରେ ଯାତ୍ରୀଙ୍କ ସଂଖ୍ୟା ଅଧିକ ଥିବାରୁ ଏହି ଦୁର୍ଘଟଣା ଘଟିଛି। ଏହି ଡଙ୍ଗାରେ ଜୀବନ ଳକ୍ଷକ ଜ୍ୟାକେଟ୍ କେହି ପିନ୍ଧି ନଥିଲେ।
ଏହି ଦୁର୍ଘଟଣାରେ ପ୍ରାଣ ହରାଇଥିବା ଯାତ୍ରୀଙ୍କ ସଂଖ୍ୟା ଆହୁରି ଅଧିକ ହୋଇପାରେ ବୋଲି ବିଶ୍ୱାସ କରାଯାଏ। ଲୋକଙ୍କୁ ନିରାପଦରେ ବାହାରକୁ ଆଣିବା ପାଇଁ ଉଦ୍ଧାରକାରୀମାନେ ନିରନ୍ତର ଚେଷ୍ଟା କରୁଛନ୍ତି। ସୂଚନାଯୋଗ୍ୟ ଯେ, ଖଣିଜ ସମୃଦ୍ଧ ଦେଶମାନଙ୍କରେ ଡଙ୍ଗା ଦୁର୍ଘଟଣା ଅଧିକ ଘଟେ, ଏହାର କାରଣ ହେଉଛି ଜାହାଜଟି ଯାତ୍ରୀ ଏବଂ ମାଲ ବୋଝେଇ ହୋଇ ନଦୀରେ ଚାଲିଥାଏ।
ଗତ ମାସରେ ମଧ୍ୟ କିଭୁ ହ୍ରଦରେ ଏକ ଯାତ୍ରୀବାହୀ ଡଙ୍ଗା ବୁଡ଼ି ଯାଇଥିଲା। ଏହି ଦୁର୍ଘଟଣାରେ ଦୁଇ ଜଣ ଶିଶୁ ଏବଂ ଜଣେ ମହିଳାଙ୍କ ସମେତ ତିନି ଜଣଙ୍କର ମୃତ୍ୟୁ ଘଟିଥିଲା। ଏହାପୂର୍ବରୁ ମେ ୨୦୨୦ ରେ ଏକ ଡଙ୍ଗା ଦୁର୍ଘଟଣା ଘଟିଥିଲା ଯେଉଁଥିରେ ଆଠ ବର୍ଷର ବାଳିକା ସମେତ ୧୦ ଜଣଙ୍କର ମୃତ୍ୟୁ ହୋଇଥିଲା।
