ଜଲଦା ପଂଚାୟତ ‘ସି’ ବ୍ଲକକୁ ସଟ୍‌ଡାଉନ କଲେ ସରପଂଚ

ରାଉରକେଲା, ୨୪/୦୭/୨୦ (ସନ୍ଧାନ ନିଉଜ) :  କାୟା ମେଲାଇବାରେ ଲାଗିଛି କରୋନା । ଲାଠିକଟା ବ୍ଲକ ଅନ୍ତର୍ଗତ ଜଲଦା ସି ବ୍ଲକ ପଂଚାୟତ ୱାର୍ଡ ନମ୍ବର ୧୨ରେ ଜଣେ ମହିଳା କରୋନା ପଜେଟିଭ ଚିହ୍ନଟ ହେବା ପରେ ସଂପୃକ୍ତ ଅଂଚଳରେ ବସବାସ କରୁଥିବା ବାସିନ୍ଦା ମାନଙ୍କ ମଧ୍ୟରେ ଭୟର ବାତାବରଣ ଖେଳି ଯାଇଛି । ଜଲଦା ସରପଂଚ ଜାତୃ ଓରାମ ଓ କାର୍ଯ୍ୟ ନିର୍ବାହୀ ଅଧିକାରୀ ଘାସିରାମ ମହାନ୍ତ ଧନଜୀବନର ସୁରକ୍ଷାକୁ ଦୃଷ୍ଟିରେ ରଖି ୱାର୍ଡ ନଂ ୧୨, ୧୩,୧୭,୧୯,୨୧ ଏବଂ ୨୨ ଅଂଚଳକୁ  ଆଜି ଶୁକ୍ରବାର ଠାରୁ ଜୁଲାଇ ୨୬ ତାରିଖ ସଂଧ୍ୟା ୫ଟା ପର୍ଯ୍ୟନ୍ତ ସଟଡାଉନ ଘୋଷଣା  କରିଛନ୍ତି । ଏହି ସଟଡାଉନ ସମୟ  ମଧ୍ୟରେ ଅତ୍ୟାବଶ୍ୟକ ଯଥା ଔଷଧ ଦୋକାନ ଏବଂ ମେଡ଼ିକାଲ କାମରେ ଯାଉଥିବା ଲୋକଙ୍କୁ କୋହଳ କରାଯିବ । ଯଦି କୌଣସି ଜରୁରୀ କାଳୀନ ପରିସ୍ଥିତିରେ ଜଲଦା ସରପଂଚ ଜାତୃ ଓରାମଙ୍କୁ ମୋବାଇଲ ନଂ୭୯୭୮୨୯୫୪୫୨ ଏବଂ ଗ୍ରାମ ପଂଚାୟତ ଅଧିକାରୀ ଘାସିରାମ ମହାନ୍ତଙ୍କୁ ମୋବାଇଲ ନଂ ୯୪୩୭୨୪୫୪୩୭ରେ ଯୋଗାଯୋଗ କରିବାକୁ ଅନୁରୋଧ କରାଯାଇଛି ।