ସୁଗୋ ସରପଞ୍ଚ ମାନସୀ ନାୟକ ଗିରଫ

ଭଦ୍ରକ, ୨୬ା୬ (,(ସଂଧାନ ନିୟୁଜ/ ପ୍ରମୋଦ ରାୟ) : ଗତକାଲି ବିଳମ୍ବିତ ରାତିରେ ଏହି ଜିଲାର ବାସୁଦେବପୁର ଗ୍ରାମପଞ୍ଚାୟତର ସରପଞ୍ଚ ମାନସୀଲତା ନାୟକଙ୍କୁ ସ୍ଥାନୀୟ ପୁଲିସ୍ ଗିରଫ କରି ଜେଲ୍ ପଠାଇଛି। ଏକ ନାଟକୀୟ ଢଙ୍ଗରେ ଶ୍ରୀମତୀ ନାୟକଙ୍କୁ ତାଙ୍କ ବାସଭବନରୁ ରାତିରେ ବାଂଶଡା ଥାନା ପୁଲିସ୍ ଗିରଫ କରିବା ପରେ ତାଙ୍କୁ ରାତି ପ୍ରାୟ ୨.୩୦ ରେ ସ୍ଥାନୀୟ ଚାନ୍ଦବାଲି ପ୍ରଥମଶ୍ରେଣୀ ବିଚାର ବିଭାଗୀୟ ଅଦାଲତରେ ହାଜର କରିଥିଲା ଓ ତାଙ୍କର ଜାମିନ୍ ନାମଂଜୁର ହେବା ପରେ ତାଙ୍କୁ ଭଦ୍ରକ ଜେଲ୍କୁ ରାତି ପ୍ରା୍ରୟ ୪.୩୦ ରେ ଅଣାଯାଇଥିଲା। ତେବେ ପ୍ରାପ୍ତ ଖବରରୁ ଯାହା ଜଣାଯାଏ ବାଂଶଡା ଥାନା ନୂଆଗାଁ ଗ୍ରାମରେ ଗତ ୨୪ ତାରିଖରେ କେତେକ ଦୃର୍ବୁତ୍ତ ବୀରକିଶୋର ସାମଲ ଓ ତାଙ୍କର ପୁଅ ଦୀପ୍ତିକୁ ଅପହରଣ କରି ଜୀବନରୁ ମାରିଦେବାକୁ ଉଦ୍ୟତ ହୋଇଥିବାର ଦର୍ଶାଇ ବୀରକିଶୋରଙ୍କ ପତ୍ନୀ ମଂଜୁଲତା ସାମଲ ତାଙ୍କର କନ୍ୟା ମମତା ନାୟକଙ୍କର ଶାଶୁ ଉର୍ମିଳା ନାୟକ, ତପୁ ନାୟକ, ମାନସ ନାୟକ ଙ୍କ ସମେତ ଅନ୍ୟମାନଙ୍କ ବିରୁଦ୍ଧରେ ଲିଖିତ ଏତଲା ଦେଇଥିଲେ। ଏହି ଏତଲା ମୂଳେ ବାଂଶଡା ଥାନାରେ କେଶ୍ ନଂ ୧୧୨/୧୮, ଦଫା ୪୪୮ / ୩୫୪ / ୨୯୪ / ୩୬୪ (କ) / ୩୮୦ / ୫୦୬ / ୩୪ ଆଇପିସିରେ ଏକ ମାମଲା ପୁଲିସ୍ ରୁଜୁ କରି ତଦନ୍ତ ଆରମ୍ଭ କରିଥିଲା। ତଦନ୍ତ ସମୟରେ ପୁଲିସ୍ ମାନସୀକୁ ଗିରଫ କରି କୋର୍ଟ ଚାଲାଣ କରିଛି।