2 ଗୋଷ୍ଠୀ ମଝିରେ ସଂଘର୍ଷ ଦୁଇ ଗୁରୁତର

ବଲାଙ୍ଗୀର, 17.01.2021(ସନ୍ଧାନ ନିଉଜ୍) :-  ବଲାଙ୍ଗୀର ହାତିଶାଲପଡ଼ାରେ ଗୋଷ୍ଠୀ ସଂଘର୍ଷ । ଯୁବକଙ୍କୁ ୧୦ରୁ ୧୫ ଜଣ ଆସି ହଠାତ୍‌ ଆକ୍ରମଣ କରିଥିଲେ । ଯାହାଫଳରେ କି ୨ଯୁବକଙ୍କୁ ଗୁରୁତର ଅବସ୍ଥାରେ ମେଡିକାଲରେ ଭର୍ତ୍ତି କରାଯାଇଛି । ସେଠାରେ ତାଙ୍କ ଚିକିତ୍ସା ଜାରି ରହିଛି । ଖବର ଅନୁଯାୟୀ, ହାତିଶାଲପଡ଼ାରେ କିଛି ଯୁବକ ଛିଡ଼ାହୋଇଥିଲା । ହଠାତ୍‌ ୧୦ରୁ ୧୫ଜଣ ଯୁବକ ଆସି ମାରଣାସ୍ତ୍ରରେ ଆକ୍ରମଣ କରିଥିଲେ । ତେବେ ଘଟଣାସ୍ଥଳରେ ଅନ୍ୟ କିଛି ଯୁବକ ପାଟି କରିବାରୁ ସେଠାରୁ ଆକ୍ରମଣ କରିଥିବା ବ୍ୟକ୍ତିମାନେ ଫେରାର ହୋଇଯାଇଥିଲେ । ତେବେ ଆକ୍ରମଣ କରାଯାଇଥିବା ୨ ଯୁବକଙ୍କ ଅବସ୍ଥା ଗୁରୁତର ହୋଇଛି । ସେଠାରୁ ତାଙ୍କୁ ଉଦ୍ଧାର କରି ନିକଟସ୍ଥ ମେଡିକାଲରେ ଭର୍ତ୍ତି କରାଯାଇଛି । ତେବେ ଆହତ ହୋଇଥିବା ଯୁବକଙ୍କ ନାମ ବିଶାଳ ଶର୍ମା ଓ ନୀଳ କୁମ୍ଭାର ବୋଲି ଜଣାପଡିଛି । ଜଣେ ଯୁବକଙ୍କ ହାତ ଛିଣ୍ଡି ପଡିଥିବା ମଧ୍ୟ ସୂଚନା ମିଳିଛି । ସେହିପରି ଆହତ ନୀଳଙ୍କୁ ବୁର୍ଲା ମେଡିକାଲ ସ୍ଥାନାନ୍ତରିତ କରାଯାଇଥିବା ବେଳେ ବିଶାଳ ବଲାଙ୍ଗୀର ଭୀମଭୋଇ ମେଡିକାଲ କଲେଜ ହସ୍ପିଟାଲରେ ଭର୍ତ୍ତି କାରାଯାଇଛି। ଏନେଇ ବଲାଙ୍ଗୀର  ଟାଉନ ଥାନାରେ ଆହତଙ୍କ ପରିବାର ପକ୍ଷରୁ ଏତଲା ଦିଆଯାଇଛି।