୪୨ମୌଜା ଗୌରବ ସମାଜସେବୀ ସୁରଜ ବେହେରାଙ୍କ ୨୪ତମ ରକ୍ତଦାନ ସେବା

କଟକ, ୨୩/୦୯/୨୦୨୧ (ସନ୍ଧାନ ନିଉଜ) – ବିଷ୍ଣୁପ୍ରିୟା ଚାରିଟେବୁଲ ଟ୍ରଷ୍ଟ ଓଡିଶା(ବିସିଟି) ଆନୁକୁଲ୍ୟରେ ଓ କନ୍ଦରପୁର ସରସ୍ଵତୀ କଳା ପରିଷଦ ପରିଚାଳନାରେ କଟକ ସଦର କନ୍ଦରପୁର ସ୍ଥିତ ଉମାକାନ୍ତ ମଣ୍ଡପ ଠାରେ ଅନୁଷ୍ଠିତ ହୋଇଥିବା ସ୍ବେଚ୍ଛାକୃତ ରକ୍ତଦାନ ଶିବିର(ଜୀବନ ସ୍ରଷ୍ଟା କାର୍ଯ୍ୟକ୍ରମ)ରେ କଟକ କେନ୍ଦ୍ରୀୟ ରକ୍ତ ଭଣ୍ଡାର ସହାୟତାରେ ୪୬ ୟୁନିଟ୍ ରକ୍ତ ସଂଗ୍ରହ କରାଯାଇଛି । ଏଥିରେ ନାଟ୍ୟକାର ଅଶୋକ କୁମାର ପଟ୍ଟନାୟକ,କବୟିତ୍ରୀ ପ୍ରତିଭା ଶତପଥୀ,ଜୀବନ ବିନ୍ଦୁ ଯାଜପୁର ଜିଲ୍ଲା ସଂଯୋଜକ ଇଂ.ବିମଳ ଚନ୍ଦ୍ର,ପ୍ରଦୀପ୍ତ ମହାଳି,ଦୈତାରୀ ପ୍ରଧାନ,ଅଭିରାମ ସାହୁ,ପ୍ରାଧ୍ୟାପକ କଲିମୁଲ୍ଲା,ପ୍ରାଧ୍ୟାପକ ପ୍ରଫୁଲ୍ଲ ଦାସ, ଦୀପକ୍ ସାହୁ ଏବଂ ଉଭୟ ଅନୁଷ୍ଠାନର କାର୍ଯ୍ୟକର୍ତ୍ତା ପ୍ରମୁଖ ଯୋଗଦେଇ ଶିବିରକୁ ପରିଚାଳନା କରିବା ସହ ରକ୍ତଦାତା ମାନଙ୍କୁ ଉତ୍ସାହିତ କରିଥିଲେ । ଏହି କାର୍ଯ୍ୟକ୍ରମରେ ବିଷ୍ଣୁପ୍ରିୟା ଚାରିଟେବୁଲ ଟ୍ରଷ୍ଟ ଓଡିଶା ରକ୍ତଦାନ ଶିବିରର କଟକ ଜିଲ୍ଲା ପ୍ରଭାରୀ ବୟାଳିଶମୌଜା ଉପକଣ୍ଠ ବରାଳ ଗ୍ରାମର ଯୁବ ପ୍ରତିଭା କୃତିଶିକ୍ଷକ ସୁରଜ୍ ବେହେରା ୨୪ତମ ସ୍ବେଚ୍ଛାକୃତ ରକ୍ତଦାନ କରି ସମାଜ ପାଇଁ ଉଦାହରଣ ସୃଷ୍ଟି କରିଛନ୍ତି ।