୨୦୧୮ ଆର୍ଥିକ ବର୍ଷରେ ବ୍ୟାଙ୍କ ଆକାଉଣ୍ଟରେ ସର୍ବନିମ୍ନ ଜମା ରାଶି ନଥିବାରୁ ଗ୍ରାହକଙ୍କ ଠାରୁ ୫ହଜାର କୋଟି ଟଙ୍କାର ଜରିମାନା ଆଦାୟ କରିଛନ୍ତି ଭାରତୀୟ ବ୍ୟାଙ୍କ

ନୂଆଦିଲ୍ଲୀ,୫/୮(ସନ୍ଧାନ ନିୟୁଜ): ୨୦୧୮ ଆର୍ଥିକ ବର୍ଷରେ ଭାରତୀୟ ବ୍ୟାଙ୍କ ଗୁଡ଼ିକ ନିଜ ଜମାକାରୀମାନଙ୍କ ଠାରୁ ଜରିମାନା ଆକାରରେ ୫ହଜାର କୋଟି ଟଙ୍କା ଆଦାୟ କରିଥିବା ଜଣା ପଡ଼ିଛି । ଜମାକାରୀମାନେ ନିଜର ବ୍ୟାଙ୍କ ଆକାଉଣ୍ଟରେ ସର୍ବନିମ୍ନ ଜମା ରାଶି (ମିନିମମ୍‌ ବାଲାନ୍ସ) ରଖୁ ନଥିବାରୁ ଏହି ଜରିମାନା ଆଦାୟ କରାଯାଇଛି ।

ଜରିମାନା ଆଦାୟ କରିବାରେ ସବୁଠାରୁ ଆଗରେ ରହିଛି ଭାରତୀୟ ଷ୍ଟେଟ୍‌ ବ୍ୟାଙ୍କ । ଜମାକରୀଙ୍କଠାରୁ ଭାରତୀୟ ଷ୍ଟେଟ୍‌ ବ୍ୟାଙ୍କ ଜରିମାନା ଆକାରରେ ୨,୪୩୩କୋଟି ଟଙ୍କା ଆଦାୟ କରିଥିବା ବେଳେ ଏଚ୍‌ଡିିଏଫ୍‌ସି ବ୍ୟାଙ୍କ ୫୯୦ କୋଟି ଏବଂ ଆକ୍ସିସ୍‌ ବ୍ୟାଙ୍କ ୫୩୦ କୋଟି ଆଦାୟ କରିଥିବା ଜାଣିବାକୁ ମିଳିଛି । କିଛି ବର୍ଷ ହେବ ଭାରତୀୟ ଷ୍ଟେଟ୍‌ ବ୍ୟାଙ୍କ ଏହି ଜରିମାନା ଆଦାୟ କରି ନଥିବାରୁ ଏ ବର୍ଷ ସର୍ବନିମ୍ନ ଜମା ରାଶି ରଖୁ ନଥିବା ଜମାକରୀଙ୍କଠାରୁ ଦୁଇ ଗୁଣ ଜରିମାନା ଆଦାୟ କରିଛି।