ଧର୍ମଶାଳା, ୨୮/୧୦ (ସନ୍ଧାନ ନିୟୁଜ) ଧର୍ମଶାଳା ବ୍ଲକ ମିର୍ଜାପୁର ପଞ୍ଚାୟତ ଅନ୍ତର୍ଗତ ଅରଙ୍ଗାବାଦ ଗ୍ରାମରେ ‘ବନେ୍ଦ ଉକ୍ରଳ ଜନନୀ’ ଅନୁଷ୍ଠାନ ପକ୍ଷରୁ ୩୭ତମ ବୋଇତ ବନ୍ଦାଣ ଉତ୍ସବ ଆସନ୍ତା ୧୨ତାରିଖରେ ଅନୁଷ୍ଠିତ ହେବ । ଏ ନେଇ ଏକ ପ୍ରସ୍ତୁତି ବୈଠକ ଅନୁଷ୍ଠାନର ଉପଦେଷ୍ଟା ତଥା ଧର୍ମଶାଳାର ପୂର୍ବତନ ବିଧାୟକ ରବି ଲାବଣ୍ୟଙ୍କ ସଭାପତିତ୍ୱରେ ଅନୁଷ୍ଠିତ ହୋଇଯାଇଛି । ବୈଠକରେ ଅତିଥି ଚୟନ,ସାଜସଜ୍ଜା, ବୋଇତ ନିର୍ମାଣ, ଶୋଭାଯାତ୍ରା, ଶାନ୍ତିଶୃଙ୍ଖଳା ସହିତ ଅନ୍ୟାନ୍ୟ ବିଷୟରେ ଆଲୋଚନା ହୋଇଥିଲା । ବରିଷ୍ଠ ସାମ୍ବାଦିକ ପ୍ରଦୋଷ ପଟ୍ଟନାୟକ, ଓଡିଆ ଚଳଚିତ୍ର ଜଗତର ବର୍ଷିଆନ ଅଭିନେତା ତଥା ପ୍ରଯୋଜକ ପ୍ରଦୁ୍ୟମ୍ନ ଲେଙ୍କା ଏବଂ ଓଡିଆ ଚଳଚିତ୍ର ଅଭିନେତ୍ରୀ ସନମୀରା ଉତ୍ସବରେ ଅତିଥି ଭାବେ ଯୋଗ ଦେବାପାଇଁ ସଦୟ ସ୍ୱୀକୃତି ପ୍ରଦାନ କରିଥିବା ନେଇ ଶ୍ରୀ ଲାବଣ୍ୟ ପ୍ରକାଶ କରିଥିଲେ । ସ୍ଥାନୀୟ ‘ବନେ୍ଦ ଉକ୍ରଳ ଜନନୀ’ କାର୍ଯ୍ୟାଳୟରୁ ଅତିଥି ମାନଙ୍କୁ ଏକ ସୁସଜ୍ଜିତ ଖୋଲା ଗାଡିରେ ଶୋଭାଯାତ୍ରାରେ ନିଆଯାଇ ଶ୍ୟାମସୁନ୍ଦର ଜୀଉଙ୍କ ପୂଷ୍କରିଣୀରେ ପୂର୍ବାହ୍ନ ୧୦ଘଟିକା ସମୟରେ ବୋଇତ ବନ୍ଦାଣ ଅନୁଷ୍ଠିତ ହେବାପାଇଁ ସ୍ଥିର କରାଯାଇଛି । ବୋଇତ ବନ୍ଦାଣ ସ୍ଥାନରେ ଶାନ୍ତିଶୃଙ୍ଖଳା ରକ୍ଷା ପାଇଁ ଅଧିକ ସଂଖ୍ୟକ ପୋଲିସ ଏବଂ ଦମକଳ ବାହିନୀ ମୁତୟନ ନିମନ୍ତେ ଦୃଷ୍ଟି ଆକର୍ଷଣ କରିବା ପାଇଁ ବୈଠକରେ ନିଷ୍ପତି ନିଆଯାଇଥିଲା । କାର୍ଯ୍ୟାଳୟ ସମ୍ପାଦକ ରଣଜିତ ନାୟକ ଧନ୍ୟବାଦ ଅର୍ପଣ କରିଥିଲେ ।
Report- Santosh Rout
