କୋଇଡା, ୨୭/୧୧ (ସନ୍ଧାନ ନିୟୁଜ/ଲମ୍ବୋଦର ବାରିକ ) କୋଇଡା ଥାନା ପାଟମୁଣ୍ଡା ଗ୍ରାମପଞ୍ଚାୟତ ଅନ୍ତର୍ଗତ କଦମଡ଼ିହି ଠାରେ   ଜନ୍ମ ସିଂ ଙ୍କ ଘର ଭାଙ୍ଗି,  ବାବୁରାମ ମୁଣ୍ଡା ( ୭୦) ହାତୀ ଆକ୍ରମଣରେ ମୃତ।  ଦୁଃଖଦ ବିଷୟ ହେଲା ଗତ ତା ୨୫/୧୧/୧୮ରିଖ ବାବୁରାମ  କେନ୍ଦୁଝର ସୀମା ଭିତରେ କରୁଥିବା ପଡୁ ଚାଷ ଜଗିବାକୁ ପ୍ରତ୍ୟେକ ଦିନ ଭଳି ସ୍ତ୍ରୀ ସହିତ ଯାଇଥାନ୍ତି କିନ୍ତୁ ଭାଗ୍ୟ ର ବିଡମ୍ବନା  ସେଦିନ ମଧ୍ୟ  ଜଗିବାକୁ ଯାଇଥିଲେ ହେଲେ ସକାଳ ୩ରୁ୪ ସମୟ ମଧ୍ୟରେ। ହଠାତ୍ ହାତୀପଲ ମାଡିଆସିଥିଲେ ତାଙ୍କ କୁଡିଆ ନିକଟକୁ  ଜୀବନ ବଞ୍ଚାଇବା ପାଇଁ ଦୁଇଜଣ ଦୌଡିଥିଲେ କିନ୍ତୁ ବାବୁରାମ ହାତୀ ସମ୍ମୁଖରେ ପଡ଼ିଯାଇଥିଲା ଏବଂ ତାକୁ କଚାଡି ଦେଇଥିବାରୁ ବାବୁରାମ ମୁଣ୍ଡା ଙ୍କ ଘଟଣା ସ୍ଥଳରେ  ମୃତ୍ୟୁ ଘଟିଥିଲା। ଖବର ପାଇ କୋଇଡା ପୋଲିସ ସମେତ ଫରେଷ୍ଟ ଗାର୍ଡ ମଧ୍ୟ ଘଟଣା ସ୍ଥଳରେ ପହଞ୍ଚି ଥିଲେ  ହେଲେ ସୁନ୍ଦରଗଡ଼ ଜିଲ୍ଲା ର ସୀମା ଠାରୁ ୩ରୁ୪କି.ମି ଦୂରତାରେ ଥିବାରୁ କୋଇଡା ପୋଲିସ ଫେରି କେନ୍ଦୁଝର ଜିଲ୍ଲାର ନୟାକୋଟ ଥାନା ଅଧିକାରୀ ଙ୍କୁ ସୂଚନା ଦେବା ସହିତ ମୃତକଙ୍କ ପରିବାର ଲୋକ ଙ୍କୁ ନୟାକୋଟ ଥାନା କୁ ଯିବାକୁ କହିଥିଲେ। ଯାହା ଫଳରେ ନୟାକୋଟ ଥାନାର ଏଆଇସି ଦୁଶାଃସନ ସାହୁ ଏବଂ ଷ୍ଟାପ ଘଟଣା ସ୍ଥଳରେ ପହଞ୍ଚି ଶବଉଦ୍ଧାର କରିବା ସହ ବ୍ୟବଚ୍ଛେଦ ପାଇଁ କେନ୍ଦୁଝର  ପଠାଇଛନ୍ତି ।