ହାଇୱା ଚଢ଼ିଲା ସାଇକେଲଚାଳକ ଉପରେ, ପ୍ରତିବାଦରେ ରାସ୍ତା ଅବରୋଧ

ଜେନାପୁର, ୨୭/୯(ସନ୍ଧାନ ନିୟୁଜ/ପ୍ରଶାନ୍ତ ସମାଲ) ଚଣ୍ଡିଖୋଲ ଡୁବୁରି ୫୩ ନମ୍ବର ଜାତୀୟ ରାଜପଥର ବରଡାଛକଠାରେ ଘଟିଛି ଏକ ମର୍ମନ୍ତୁଦ ଦୃର୍ଘଟଣା । ସାଇକେଲ ଆରୋହୀ ଉପରେ ଚଢ଼ିଲା ହାଇୱା । ଘଟଣାସ୍ଥଳରେ ସାଇକେଲ ଆରୋହୀର ମୃତୁ୍ୟ ଘଟିଥିବା ବେଳେ ପ୍ରତିବାଦରେ ସାଧରଣ ଜନାତ ଉତ୍ୟକ୍ତ ହୋଇ ରାସ୍ତା ରୋକ କରିଥିଲେ । ମୃତ ଜଣକ ମଇସରା ଗ୍ରାମର ବୈରାଜୀ ସାହୁଙ୍କ ପୁଅ ପୂର୍ଣ୍ଣଚନ୍ଦ୍ର ସାହୁ (୪୬) ବୋଲି ଜଣାପଡିଛି । ଘଟଣାରୁ ପ୍ରକାଶ ଯେ ପ୍ରତ୍ୟକ ଦିନ ପରି ଆଜି ପୂର୍ଣ ସକାଳ ସାଢ଼େ ୬ଟା ସମୟରେ ଘରୁ ଏକ ସାଇକେଲ ଯୋଗେ ଚଢ଼େଇଧରା ଛକ ପଥର ଭାଙ୍ଗିବାକୁ ଯାଉଥିଲେ । ଏହି ସମୟରେ ବରଡା ଛକ ଠାରୁ ଡଙ୍କାରୀ ଯାଉଥିବା ଏକ ଓଡି୨୧ବି-୮୦୦୮ ନମ୍ବର ହାଇୱାଟି ଛକ ନିକଟରେ ତାଙ୍କ ପଛପଟୁ ଧକ୍କାଦେଇ ତା ଉପରେ ମାଡି ଯାଉଥିଲା । ଫଳରେ ଘଟଣାସ୍ଥଳରେ ପୂର୍ଣ୍ଣ ସାହୁର ମୃତୁ୍ୟ ଘଟିଥିଲା । ଖବର ପାଇ ସ୍ଥାନୀୟ ଲୋକେ ଶବ ରଖିବା ସହ ଟାଇଆର ଜାଳି ରାଜପଥ ଅବରୋଧ କରିଥିଲେ । ଖବର ପାଇ ଜେନାପୁର ପୋଲିସ ଘଟଣା ସ୍ଥଳରେ ପଂହଚି ଲୋକମାନଙ୍କ ବୁଝାସୁଝା କରି ଅବରୋଧ ହଠାଇଥିଲେ । ଦୃର୍ଘଟଣା ଘଟାଇଥିବା ଗାଡିକୁ ଜବତ କରିବା ସହ ଏହାର ଚାଳକକୁ ଅଟକ ରଖି ତଦନ୍ତ ଚଳାଇଛି । ୫୩ନମ୍ବର ଜାତୀୟ ରାଜପଥ ମରଣଜନ୍ତା ସାଜିଛି । ଦୈନିକ ଏହି ରାସ୍ତାରେ ଅନେକ ଲୋକମୃତୁ୍ୟ ବରଣ କରୁଛନ୍ତି । ତୁରନ୍ତ ରାଜପଥ ମରାମତି କରିବା ଏବଂ ପୂର୍ଣ୍ଣଙ୍କ ପରିବାରକୁ ସହାୟତା ଦେବା ପାଇଁ ସ୍ଥାନୀୟ ଲୋକେ ଦାବି କରିଥିଲେ ।