ସ୍ୱାମୀ ଇଂ.ବିମଳ ଚନ୍ଦ୍ରଙ୍କ ୪୧ତମ ଜନ୍ମ ଦିନରେ ଶୁଭେଚ୍ଛା ଜଣାଇ ଧର୍ମପତ୍ନୀ ସୁଜାତା ବେହେରା କଲେ ରକ୍ତଦାନ : ସାଧାରଣରେ ଉଚ୍ଚ ପ୍ରସଂଶା

କଟକ, ୦୫/୦୬/୨୦୨୧ (ସନ୍ଧାନ ନିଉଜ) – ରାଜ୍ୟର ଅଗ୍ରଣୀ ସାମାଜିକ ସଂଗଠନ ବିଷ୍ଣୁପ୍ରିୟା ଚାରିଟେବୁଲ ଟ୍ରଷ୍ଟ(ବିସିଟି)ର ପୂର୍ବତନ ସଭାପତି ତଥା ଓଡ଼ିଶା ମୋ ପରିବାର ଜୀବନ ବିନ୍ଦୁର ଯାଜପୁର ଜିଲ୍ଲା ସଂଯୋଜକ ଯୁବସମାଜସେବୀ ଇଂ.ବିମଳ ଚନ୍ଦ୍ର  ସବୁବର୍ଷ ପରି ଚଳିତ ବର୍ଷ ତାଙ୍କର ୪୧ତମ ଜନ୍ମ ଦିବସକୁ ଟ୍ରଷ୍ଟ ପକ୍ଷରୁ ବରୀ ବ୍ଲକ ଧାରପୁର ପଂଚାୟତ ଉପକଣ୍ଠ ରାଜୀଵ ଗାନ୍ଧୀ ଭବନରେ ରକ୍ତଦାନ ଶିବିର କରି ସେଵା କାର୍ଯ୍ୟକ୍ରମ ମାଧ୍ୟମରେ ପାଳନ କରାଯାଇ ଯାଜପୁର ରକ୍ତ ଭାଣ୍ଡର ସହାୟତାରେ ୪୧ ୟୁନିଟ ରକ୍ତ ସଂଗ୍ରହ କରାଯାଇଛି ଇତ୍ୟାବସରରେ ଇଂ.ବିମଳ ଚନ୍ଦ୍ରଙ୍କ ଧର୍ମପତ୍ନୀ ସମାଜସେବୀକା ସୁଜାତା ବେହେରା ମଧ୍ୟ ରକ୍ତଦାନ କରି ସେଵାକାର୍ଯ୍ୟ ଦ୍ଵାରା ନିଆରା ଢଙ୍ଗରେ ସ୍ୱାମୀଙ୍କୁ ଶୁଭେଚ୍ଛା ବାର୍ତ୍ତା ଜଣାଇଛନ୍ତି ।ଏହି ଶିବିରକୁ ଟ୍ରଷ୍ଟର ବରୀ ଶାଖା ସଂଯୋଜକ ବିଜୟ ସାହୁ ଉଦଘାଟନ କରିଥିବା ବେଳେ ବିରେନ ରାଉତ,ତୁଷାର ଶାନ୍ତି, କୁନମୁନ ଶାନ୍ତି, ଧୀରେନ ରାଉତ, ସଂଗ୍ରାମ ସାହୁ, ଦେବାଶିଷ ଧଳ ପ୍ରମୁଖ ବହୁ କର୍ଯ୍ୟକର୍ତା ଉପସ୍ଥିତ ରହି ଶିବିର ପରିଚାଳନା କରିଥିଲେ । ସମାଜସେବୀଙ୍କ ଏପର ନିଆରା ଢଙ୍ଗରେ ଜନ୍ମ ବାର୍ଷିକ ପାଳନକୁ ସାଧାରଣରେ ଉଚ୍ଚ ପ୍ରସଂଶା କରାଯାଇଛି ।