କ୍ରାଇମ୍ ବାଞ୍ଚ୍ ଡିସିପି ରାଜେଶ ଦେବଙ୍କ ସୂଚନା ହେଲା ଡିସେମ୍ବର ୨୯ ତାରିଖରେ ସୁନ୍ଦର ନଗରୀ ନିବାସୀ ମହିଳା ବିଳକିସ ନନ୍ଦ ନଗରୀ ଥାନାରେ ସ୍ଵାମୀ ମହମ୍ମଦ ଦିଲଶାଦଙ୍କ ନିଖୋଜ ରିପୋର୍ଟ ରୁଜୁ କରାଇଥିଲା। ସ୍ଥାନୀୟ ପୋଲିସ ସହିତ କ୍ରାଇମ ବ୍ରାଞ୍ଚ ଅଭିଯୁକ୍ତଙ୍କ ଯାଞ୍ଚ କରିଥିଲେ। ସେତେବେଳେ କ୍ରାଇମ ବ୍ରାଞ୍ଚକୁ ଜାଣିବାକୁ ମିଳିଥିଲା ମହମ୍ମଦ ଦିଲଶାଦଙ୍କର ହତ୍ୟା ତାଙ୍କ ପତ୍ନୀ ଓ ପ୍ରେମିକ ମିଶି କରିଛନ୍ତି। ପୋଲିସ ଏହି ମାମଲାରେ ଜାନୁଆରୀ ୯ ତାରିଖରେ ପଞ୍ଚକୁଇୟା ରୋଡ ନିବାସୀ ସାବିର ଅଲ୍ଲୀକୁ ଗିରଫ କରିଥିଲା। ପଚରାଉଚରା ପରେ ଅଭିଯୁକ୍ତ କହିଥିଲା ସେ ମହମ୍ମଦ ଦିଲଶାଦଙ୍କ ପତ୍ନୀ ବିଲକିସଙ୍କୁ ଗତ ୭ ବର୍ଷ ହେଲାଣି ଭଲ ପାଉଛନ୍ତି। ପ୍ରଥମେ ଦିଲଶାଦ ପଞ୍ଚକୁଇୟାରେ ପରିବାର ସହିତ ରହିଥିଲେ। ସ୍ଵାମୀ ପତ୍ନୀଙ୍କ ବିଷୟରେ ଜାଣିବା ପରେ ସୁନ୍ଦର ନଗର ଅଞ୍ଚଳକୁ ପଳାଇଆସିଥିଲେ। କିନ୍ତୁ ପୁଣି ସାବିର ଲଗାତାର ବିଲକିସଙ୍କ ସହିତ ମିଳାମିଶା କରୁଥିଲା। ଏହା ଜାଣି ଦିଲଶାଦ ବାରମ୍ବାର ବିରୋଧ କରୁଥିଲା। ସାବିର ସହିତ ସମ୍ପର୍କ ରଖିଥିବା କାରଣରୁ ଦିଲଶାଦ ବିଲକିସକୁ ମାଡ଼ ମାରୁଥିଲେ। ଶେଷରେ ବିଲକିସ ଓ ସାବିର ସ୍ଵାମୀକୁ ହତ୍ୟା କରିବା ପାଇଁ ଯୋଜନା କରିଥିଲେ।