ସ୍ବର୍ଗତ ମୁରଲୀଧର ଜେନାଙ୍କ ସ୍ମୃତି ସମାରୋହ

ଭଦ୍ରକ,୦୭/୧୨ (ସନ୍ଧାନ ନିୟୁଜ) ସ୍ୱାଧୀନତା ସଂଗ୍ରାମୀ ତଥା ପୂର୍ବତନ ବିଧାୟକ ସ୍ବର୍ଗତ ମୁରଲୀଧର ଜେନାଙ୍କ 53ତମ ସ୍ମୁତି ସମାରୋହ ଶହୀଦ ସ୍ମୃତି ଭବନ ଠାରେ ଅନୁଷ୍ଠିତ ହୋଇଯାଇଛି l ପ୍ରାରମ୍ଭରେ ହରମୋହନ କୁଅଁର ମଞ୍ଚ ଆମନ୍ତଣ,ଶାନ୍ତନୁ ରାଉତ ସ୍ୱାଗତ ଭାଷଣ, ଗୌତମ ମହାରଣା ଅତିଥି ପରିଚୟ ଦେଇଥିଲେ l କମିଟିର ସମ୍ପାଦକ ଭକ୍ତହରି ନାୟକ ସମ୍ପାଦକୀୟ ପାଠ କରିଥିଲେ l ମୁଖ୍ୟ ଅତିଥି ଭାବେ ଡ଼ ଅକ୍ଷୟ କୁମାର ମିଶ୍ର, ମୁଖ୍ୟ ବକ୍ତା ଭାବେ ଡ଼ ଅଭିରାମ ବିଶ୍ୱାଳ, ସମ୍ମାନିତ ଅତିଥି ଭାବେ ହାଇ କୋର୍ଟ ରେଜିଷ୍ଟାର ରାଧା ଚରଣ ପଟ୍ଟନାୟକ ଓ ଅନ୍ୟତମ ଅତିଥି ଭାବେ ଜିଲ୍ଲା ଜଜ ଶିଶିର କୁମାର ମିଶ୍ର ଯୋଗ ଦେଇ ସ୍ବର୍ଗତ ଜେନାଙ୍କ ସ୍ମୁତି ଚାରଣ କରିଥିଲେ l ଆଇନଜୀବୀ ଅନନ୍ତ ପ୍ରସାଦ ଜେନାଙ୍କ ସଭାପତିତ୍ୱରେ ଅନୁଷ୍ଠିତ ଏହି ସଭାରେ କାହ୍ନୁ ଚରଣ ପାଣିଗ୍ରାହୀ, ରାଧା ଚରଣ ନାୟକଙ୍କୁ ସମ୍ମାନିତ କରାଯାଇଥିଲା l ପରେ ବରିଷ୍ଠ ଆଇନଜୀବୀ ନିରାକାର ଜେନା ମୁଖ୍ୟ ବକ୍ତା ଓ ମୁଖ୍ୟ ଅତିଥିଙ୍କୁ ସମ୍ବର୍ଦ୍ଧିତ କରିଥିଲେ l ଏହି ଅବସରରେ ଶିଶୁ ସାହିତ୍ୟିକ ହରମୋହନ କୁଅଁରଙ୍କ ରଚିତ କବିତା ସଂକଳନ କେବେ ଖରା କେବେ ଛାଇ ପୁସ୍ତକ ଉନ୍ମୋଚନ ହୋଇଥିଲା l ଶେଷରେ ଦେବେନ୍ଦ୍ର ସ୍ୱାଇଁ ଧନ୍ୟବାଦ ଅର୍ପଣ କରିଥିଲେ l