ରାଉରକେଲା, ୧୯/୧୦ (ସନ୍ଧାନ ନିୟୁଜ): ଭାରତୀୟ ଶିକ୍ଷା ବିକାଶ ସଂସ୍ଥାନ ଭୂବନେଶ୍ୱର ପକ୍ଷରୁ ଆୟୋଜିତ ଏକ କାର୍ୟ୍ୟକ୍ରମରେ ଦକ୍ଷିଣ ରାଉରକେଲା ଅଂଚଳର ଜଣେ କୁନିଝିଅ ସୁନାମ ଅର୍ଜନ କରିଛନ୍ତି । ଏହି ଛାତ୍ରୀ ଜଣଙ୍କ ଉତ୍କଳଜ୍ୟୋତି ସମ୍ମାନ-୨୦୧୯ରେ ସମ୍ମାନିତ ହୋଇ ଦକ୍ଷିଣ ରାଉରକେଲା ଅଂଚଳ ତଥା ସମଗ୍ର ପଶ୍ଚିମ ଓଡ଼ିଶା ପାଇଁ ଗର୍ବ ଓ ଗୌରବ ପାଲଟିଛନ୍ତି । ପ୍ରାପ୍ତ ସୂଚନାରୁ ପ୍ରକାଶଯେ,, ସୋନାପର୍ବତ ସରସ୍ୱତୀ ଶିଶୁ ବିଦ୍ୟାମନ୍ଦିରର ପଂଚମ ଶ୍ରେଣୀର ଛାତ୍ରୀ ସୁଶ୍ରୀ ଦିକ୍ଷୀତା ବେହେରା ଉତ୍କଳଜ୍ୟୋତି ସମ୍ମାନରେ ଆଭୂଷିତ ହୋଇଛନ୍ତି । ସେ ନବକୃଷ୍ଣନଗରରେ ରହୁଥିବା ଶିକ୍ଷକ ମଦନ ମୋହନ ବେହେରାଙ୍କ ସୁକନ୍ୟା ଅଟନ୍ତି । ଏହି ମେଧାବୀ ଛାତ୍ରୀ ଦିକ୍ଷୀତାଙ୍କୁ ସରସ୍ୱତୀ ଶିଶୁ ବିଦ୍ୟା ମନ୍ଦିରର ପ୍ରଧାନ ଆଚାର୍ୟ୍ୟ, ଗୁରୁମା ମାନେ ଅଭିନନ୍ଦନ ଜଣାଇଛନ୍ତି ।
Report- S Nayak
