ସାରନଗରୀରେ ମା’ତାରିଣୀଙ୍କ ମହାଯଜ୍ଞ: ମହିଳାଙ୍କ ଭବ୍ୟ କଳସ ଶୋଭାଯାତ୍ରା

ରାଉରକେଲା ୩୦/୧ (ସନ୍ଧାନ ନିୟୁଜ): ଆଜି  ବସନ୍ତ ପଂଚମୀ ଠାରୁୁ  ଦକ୍ଷିଣ ରାଉରକେଲା ସାରନଗରୀ ବସଷ୍ଟାଣ୍ଡ ନିକଟ ମା’ ତାରିଣୀ ମନ୍ଦିରରେ ମା’ ତାରିଣୀଙ୍କ ୧୬ତମ ବାର୍ଷିକୋତ୍ସବର ଶୁଭାରମ୍ଭ  ହୋଇଛି । ଏହି ଅବସରରେ ଆଜି ପୂର୍ବାହ୍ନରେ ମା’ ତାରିଣୀ ମନ୍ଦିର ପରିସରରୁ ମହିଳା ମାନଙ୍କ ଦ୍ୱାରା ଭବ୍ୟ କଳସ ଶୋଭାଯାତ୍ରାର ଆୟୋଜନ କରାଯାଇଥିଲା । ଏଥିରେ ବହୁ ମହିଳା ଯୋଗଦାନ କରିଥିଲେ । ମନ୍ଦିର ପରିଚାଳନା କମିଟିର ସଦସ୍ୟ ମାନେ କାର୍ଯ୍ୟକ୍ରମରେ ସକ୍ରୀୟ ସହଯୋଗ କରିଥିବା ବେଳେ, ମା’ ତାରିଣୀ ମନ୍ଦିରର ପୂଜକ ନନ୍ଦ ନନା ପୂଜକ ଭାବେ ଦାୟିତ୍ୱ ତୁଲାଇଥିଲେ । ଆସନ୍ତା ଶନିବାର ଦିନ ମହାଯଜ୍ଞର ପୂର୍ଣ୍ଣାହୁତି କରାଯିବାର ସୂଚନା ମିଳିଛି ।