ସହିଦ୍ ଯବାନଙ୍କ ଶ୍ରଦ୍ଧାଞ୍ଜଳି ଶୋଭାଯାତ୍ରା

ରସୁଲପୁର,୧୯/୦୨ (ସନ୍ଧାନ ନିଉଜ/ ଜଗମୋହନ ରାଉତ) ରସୁଲପୁର ବ୍ଲକ ଅନ୍ତର୍ଗତ ସିଂହାପୁର ପଂଚାୟତ ଗୋପିନାଥପୁର ଶାସନ ଗ୍ରାମବାସୀଙ୍କ ପକ୍ଷରୁ ଜାମୁକାଶ୍ମୀର ପୁଲୱାମାଠାରେ ଯବାନଙ୍କ ଗାଡି ଉପରକୁ ଆତଙ୍କବାଦୀ ଆକ୍ରମଣରେ ସହିଦ୍ ଯବାନଙ୍କ ଉଦେଶ୍ୟରେ ଶ୍ରଦ୍ଧାଞଜଳି ସଭା ଓ ମହମ୍ବତି ଶୋଭାଯାତ୍ରା ଅନୁଷ୍ଠିତ ହୋଇଯାଇଛି । ଗ୍ରାମବାସୀଗଣ ଗାଁ ସ୍ଥିତ ମହାଦେବ ମନ୍ଦିର ନିକଟରୁ ଏକ ଶୋଭାଯାତ୍ରାରେ ବାହାରି ପଂଚାୟତର ବିଭିନ୍ନ ସ୍ଥାନ ପରିକ୍ରମା କରିଥିଲେ । ଏଥିସହ ଗାଁ ନିକଟରେ ନୀରବ ପ୍ରାର୍ଥନା ଆୟୋଜନ ହୋଇଥିଲା । ଉକ୍ତ ପ୍ରର୍ଥନା ସଭାରେ ଗ୍ରାମର ଆବଳବୃଦ୍ଧ ବନିତା ସାମିଲ ହୋଇ ଶ୍ରଦ୍ଧାଞ୍ଜଳି ଜ୍ଞାପନ କରିଥିଲେ । ବାରବାଟୀ ପଂଚାୟତର ଓଡଙ୍ଗ ଗ୍ରାମର ଯୁବକ ସଂଘ ପକ୍ଷରୁ ଆଉ ଏକ ମହମବତି ଶୋଭାଯାତ୍ରା ଅନୁଷ୍ଠିତ ହୋଇଯାଇଛି । ଗ୍ରାମର ଯୁବକମାନେ ଏକ ଶୋଭାଯାତ୍ରାରେ ବାହାରି ୧୬ନଂ ଜାତୀୟ ରାଜପଥର ଗଣେଶ ବଜାର ନିକଟସ୍ଥ ଓଡଙ୍ଗ ପରିବାହାଟ ନିକଟରେ ପହଁଚି ଥିଲେ । ସେହିପରି ଦେଓଦା ପଂଚାୟତର ବଳଦେବଜୀଉ ଯୁବକ ସଂ ଓ ଗ୍ରାମବାସୀଙ୍କ ପକ୍ଷରୁ ବଲଦେବଜୀଉ ମଠ ପରିସରେ ସହିଦ୍ ଯବାନଙ୍କ ଉଦେଶ୍ୟରେ ଦୁଇ ମିନିଟ୍ ନୀରବ ପ୍ରାର୍ଥନା କରାଯିବା ସହ ଏକ ଶୋଭାଯାତ୍ରା ବାହାରି ଗ୍ରାମ ପଂଚାୟତ ପରିକ୍ରମା କରିଥିଲା । ଉକ୍ତ କାର୍ଯ୍ୟକ୍ରମରେ ମଠର ମହନ୍ତ କୁଷ୍ଣ ବାବା, ସରପଂଚ ସୌଭାଗ୍ୟଲକ୍ଷ୍ମୀ ମହାନ୍ତି, ଯୁବନେତା ଲକ୍ଷ୍ମୀଧର ସାହୁ ପ୍ରମୁଖ ଶୋଭାଯାତ୍ରାର ନେତୃତ୍ୱ ନେଇଥିଲେ । ଶୋଭାଯାତ୍ରାକରୀଗଣ ପାକିସ୍ତାନ ବିରୋଧୀ ନାନା ସ୍ଲୋଗାନମାନ ଦେଇଥିଲେ